बुटवल,फागुन ६- 

लुम्बिनी टेलिभिजनको आयोजनामा एक्स्पर्ट मिडियाकप भलिबल प्रतियोगिता शुरु भएको छ ।

रुपन्देहीका मिडियाहरुका विचमा भावनात्मक सम्बन्ध विस्तार गर्ने उद्देश्यले आयोजना गरिएको भलिबल प्रतियोगिताको लुम्बिनी प्रदेशका उद्योग पर्यटन वन तथा वातावरणमन्त्री लिला गिरिले उद्घाटन गर्नुभएको हो ।

प्रतियोगिताको उद्घाटन गर्दै मन्त्री गिरीले खेलकुदको विकासको लागि तिनैतहका सरकारले लगानी गरिरहेको बताउनुभयो । उहांले भलिबल खेल नेपाली भुगोल र माटो सुहाउंदो खेल भएको उल्लेख गर्दै मन्त्री गिरीले भलिबल खेलको विकास र सम्बद्र्धनका लागि प्रदेश सरकारले पनि लगानी गरिरहेको बताउनुभयो ।

तिलोत्तमा २ योगिकुटीस्थीत मणिमुकुन्द भलिबल क्लबको खेल मैदानमा शु्रु भएको प्रतियोगिता शुभारम्भको अवसरमा नेपाल पत्रकार महासंघ लुम्बिनी प्रदेशका उपाध्यक्ष भरत केशी र महासंघका रुपन्देही अध्यक्ष अध्यक्ष यानेन्द्र जिसीले सधै समाचार संकलन र लेखनमा सक्रिय रहने पत्रकारहरुका विचमा हुने मैत्रीपूर्ण खेलहरुले पत्रकार र मिडियाहाउसहरुका विचको सम्बन्ध मजबुत बनाउन सघाउ पुग्ने बताउनुभयो ।

टेलिभिजनका अध्यक्ष एजाज आलमको अभ्यक्षतामा भएको कार्यक्रममा उपाध्यक्ष रामप्रसाद बस्याल, महासचिव दिनेश पाण्डे लगायतले बोलेका थिए ।

भोलिसम्म संचालन हुने प्रतियोगितामा रुपन्देहीका १३ वटा मिडियाहाउसका १३ वटा समुहको सहभागिता रहेको प्रतियोगिताका संयोजक बिकास पराजुलीले जानकारी दिनुभयो । विहिबार भएका खेलमा आयोजक लुम्बिनी टेलिभिजन, बुद्ध टेलिभिजन, साझा टेलिभिजन, राज्य टेलिभिजन, खस्यौली एफएम र जागरण एफएम विजयी हुंदै अघिल्लो चरणमा प्रवेश गरेका छन् ।

शुक्रवारको पहिलो खेल बुद्ध टेलिभिजन र खस्यौली एफएमका विचमा हुने खेल संयोजक पराजुलीले बताउनुभयो । एक्स्पर्ट एजुकेशन कन्सल्टेन्सी मुख्य प्रायोजक रहेको प्रतियोगितामा प्रथम हुने समुहले २५ हजार, द्धितियले १५ हजार र तृतियले ५ हजार नगद पुरस्कार सहित कप तथा मेडल प्राप्त गर्ने छन् ।

त्यस्तै सेमिफाईनलमा पुग्ने चारवटा टिमलाई जर्सि प्रदान गरिने छ भने खेल अवधीभर सबै खेलाडीहरुको दुर्घटना विमा समेत गरिएको संयोजक पराजुलीले बताउनुभयो ।

नागरिक अनलाइन

लेखकबाट थप

• बिहिवार, फाल्गुण ६ २०७७०७:४०:३८

• Tags:

  # भलिवल

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन