बुटवल,फागुन ३ - 

नेपाली कांग्रेसले भैरहवामा आज बिरोध प्रदर्शन गर्याे। भैरहवामा बिरोध र्याली पछि हनुमान मन्दिरमा बिरोध सभाको आयोजना गरिएको थियाे । काँग्रेसले आज ७७ वटै जिल्लामा एक साथ बिरोध सभाको आयोजना गरेको हो ।  सभालाई नेपाली कांग्रेसका केन्द्रिय सभापति शेर बहादुर देउवाले सम्बोधन गरे । देउवाले नेकपाका अध्यक्षसमेत रहेका प्रधानमन्त्री केपी शर्मा ओली र अर्का अध्यक्षसमेत रहेका पूर्वप्रधानमन्त्री पुष्पकमल दाहाल प्रचण्ड राजाभन्दा पनि ठूला राजा हुन थालेको बताए।

ओली र प्रचण्ड अहिले नेकपाभित्र भिन्नभिन्न समूहमा छन्।  उनले कुर्सीका लागि अहिले ओली र प्रचण्डबीच झगडा भइरहेको बताए।कांग्रेसकै नेताहरू कोही ओली र कोही प्रचण्ड ठिक भनिरहेको देउवाको भनाइ थियो।

‘तिनको झगडाले हाम्रो पार्टीमै समस्या आइसकेको छ,’ देउवाले भने, ‘हामी कतैतिर लाग्ने काम छैन।’ ‘प्रचण्डले प्रजातन्त्र मान्छु भने। गिरिजाप्रसाद कोइरालाले प्रचण्डलाई भारतबाट ल्याएर नेपालमा ल ठीक छ भनेर संविधान सभाको चुनाव गराइयो।

तर यिनीहरू प्रचण्ड र ओली राजाभन्दा पनि ठूला राजा हुन थाले। उनीहरू कुर्सीका लागि झगडा भयो। यो झगडामा हाम्रो कुनै हात छैन,’ उनले भने।

जिल्ला सभापति अब्दुल रज्जाकले वक्ताको रुपमा केन्द्रिय सभापति देउवा सहित केन्द्रिय सदस्य बालकृष्ण खाँण र संघिय संसदका लेखा समिति संयोजक भरत कुमार शाह,प्रमाेद यादव,प्रदेश सांसद रमा अर्याल,कांग्रेस रुपन्देही सचिब रामकृष्ण खाँण,नेविसंघका केन्द्रिय उपसभापति मुक्तिराज पाैडेल लगायतले सम्बोधन गरे। भैरहवाको बुद्धचोकबाट र्यालीको आयोजना गरि नारायणपथ, मिलनचोक हुँदै हनुमान मन्दिरमा पुगेर बिरोधसभाको आयोजना गरिएको थियाे ।

नागरिक अनलाइन

लेखकबाट थप

• सोमवार, फाल्गुण ३ २०७७०७:५६:५५

• Tags:

  # नेपाली कांग्रेस # बिराेधसभा # कपिल ज्ञवाली # बिशेष

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा