बुटवल,असोज ८ ।

सम्भावित अविरल वर्षाका कारण हुन सक्ने बाढी तथा डुबानको उच्च जोखिमलाई मध्यनजर गर्दै बुटवल उपमहानगरपालिकाले नगर क्षेत्रका सम्पूर्ण सामुदायिक तथा संस्थागत विद्यालयमा पठनपाठन स्थगन गर्ने निर्णय गरेको छ।

बुटवल उपमहानगरपालिकाले नगर प्रमुखस्तरीय निर्णयअनुसार २०८३ असोज ८ गते दिवा सत्रका कक्षा मात्र बन्द गर्ने जनाएको छ। त्यस्तै असोज ९ गते बिहानी तथा दिवा दुवै सत्रका सम्पूर्ण कक्षा बन्द रहनेछन्।

उपमहानगरपालिकाले बाढी तथा प्राकृतिक विपद्को जोखिमयुक्त समयमा बालबालिकाको सुरक्षालाई विशेष प्राथमिकता दिन अभिभावक तथा विद्यालय परिवारलाई आग्रह गरेको छ। साथै, बालबालिकालाई खोला किनार तथा अन्य जोखिमपूर्ण क्षेत्रमा जान नदिन र उच्च सतर्कता अपनाउन अनुरोध गरिएको छ।

उपमहानगरपालिकाले जारी गरेको सूचनामा विद्यालयहरूलाई उक्त निर्णयअनुसार पठनपाठन बन्द गरी आवश्यक कार्यान्वयन गर्न/गराउन समेत निर्देशन दिएको छ।

नागरिक अनलाइन

लेखकबाट थप

• बिहिवार, आश्विन ८ २०८३०९:१०:३२

• Tags:

  # स्कुल

• कविता : मकै पोल्ने दिदी

• रोट्रयाक्ट क्लब अफ बुटवल सिनर्जीको ९औँ पदस्थापन ,अध्यक्षमा कल्पित नेपाल

• फर्निचर व्यवसायका समस्या हलका लागि स्थानीय सरकार र सरोकारवाला संस्थाबीच सहकार्य जरूरी

• कांग्रेस क्षेत्र नं. २ रुपन्देहीद्वारा ‘माइन्युट लेखन तथा प्रभावकारी बैठक सञ्चालन’ तालिम

• गोवा र बुद्ध जन्मस्थल लुम्बिनीलाई एउटै पर्यटन सर्किटमा जोड्ने प्रस्ताव