बुटवल,भदौ १६ ।

रसुवामा आएको बाढी तथा प्राकृतिक विपत्तिबाट प्रभावित बाढीपीडितको राहत तथा पुनःस्थापनाका लागि अन्नपूर्ण एग्रो इन्डष्ट्रिज प्रा. लि.ले रु. ११ लाख ११ हजार १११ सहयोग गरेको छ।तिलोत्तमा–१६, मधवलिया, रुपन्देहीस्थित अन्नपूर्ण एग्रो इन्डष्ट्रिजले प्रधानमन्त्री दैवी प्रकोप उद्धार कोषमार्फत उक्त रकम सहयोग गरेको हो।

विपत्तिको कठिन घडीमा पीडित परिवारहरूप्रति ऐक्यबद्धता जनाउँदै मानवीय सहयोगस्वरूप रकम प्रदान गरिएको कम्पनीले जनाएको छ।

कम्पनीका अनुसार राष्ट्रिय विपत्तिका बेला सामाजिक उत्तरदायित्वअन्तर्गत सहयोग गर्न पाउँदा संस्थालाई सामाजिक दायित्व पूरा गरेको अनुभूति भएको छ।

अन्नपूर्ण एग्रो इन्डष्ट्रिजले विपत्तिको समयमा पीडितको राहत तथा पुनःस्थापनाका लागि अन्य व्यक्ति, व्यवसायी तथा संघ–संस्थालाई समेत निस्वार्थ रूपमा सहयोग गर्न अपिल गरेको छ।‘विपत्तिमा साथ, समाजप्रति हाम्रो दायित्व’ भन्ने भावनासहित कम्पनीले सामाजिक उत्तरदायित्वलाई निरन्तरता दिँदै आएको जनाएको छ ।

नागरिक अनलाइन

लेखकबाट थप

• मंगलवार, भाद्र १६ २०८३०८:३३:११

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...