बुटवल, ५ भदौ ।

रुपन्देहीको बुटवल सुख्खानगरमा अवस्थित एभरेष्ट माविका विद्यार्थीहरुले जनमुखि काम गर्नु पर्ने भन्दै सरकारको ध्यानाकर्षण गराएका छन् ।

जनताको प्रतिनिधीबाट चुनिएको सरकारले जनताकै काम गर्नु पर्ने उल्लेख गर्दै मावि तहका विद्यार्थीहरुले सरकारको काम राज्य संचालन गर्ने मात्र होईन जनताका भवना पनि बुझ्ने हुनु पर्ने बताए । उनीहरुले सभामुख मार्फत सरकारलाई जवाफदेही बन्न ध्यानाकर्षण गराएका हुन् ।

शुक्रबार विद्यालयमा भएको संघीय एभरेष्ट नमुना युवा संसद कार्यक्रममा सहभागि विद्यार्थी सांसदहरुले शिक्षा, स्वास्थ्य, कृषि, पुर्वाधार विकास, सुशासनका मुद्धामा सरकार चुकेको भन्दै सरकारको खवरदारी समेत गरे ।

कक्षा–८, ९ र १० का एकसयबढी विद्यार्थीहरु सहभागि भएको नमुना संसद कार्यक्रममा शुन्य र विशेष समयमा आफ्ना भनाइ राख्ने विद्यार्थी सांसदहरुले देशमा भएको महंगी, भ्रष्टाचार, बलत्कारलगायतका विषयलाई सरकारले सम्वोधन गर्न नसकेको भन्दै दुख ब्यक्त गरे । उनीहरुले जनताबाट चुनिएका जनप्रतिनिधीले बनाएका प्रधानमन्त्री, मन्त्रीहरुले जनताकै पिर मर्का बुझेर काम गर्नु पर्ने सुझाव सभामुख मार्फत सरकारलाई सुनाएका थिए ।

विद्यार्थी बिराट भण्डारीले सभामुखको भुमिका निर्वाह गर्नु भएको कार्यक्रममा प्रत्युस क्षेत्रीले प्रतिपक्ष दल नयाँ पुस्ता पार्टीतर्फदेखि विभिन्न विषयमा सरकारको ध्यानाकर्षण गराएका थिए । शिक्षक मोहन पाण्डेयले संयोजन गर्नु भएको नमुना सांसद कार्यक्रममा विद्यालयका प्राचार्य कृष्ण न्यौपानेले विद्यार्थीलाई संसदीय अभ्यासका बारेमा प्रत्येक्ष जानकारी गराउन कार्यक्रम फलदायी भएको बताउनुभयो ।

कार्यक्रममा सहप्राचार्य भिमसेन गौतम, उपप्राचार्य उमेश रेग्मी, शिक्षक सरु पाण्डेलगायतले विद्यार्थीलाई संसदको अभ्यास, विधेयक, कानुन र संसदमा सभामुख र सांसदका पदीय मर्यादा, मर्यादा पालकको काम कार्वाहीलगायतका विषयमा जान्न अवसर मिलेको बताउनुभयो । 

नागरिक अनलाइन

लेखकबाट थप

• शुक्रवार, भाद्र ५ २०८३११:०६:२८

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...