बुटवल,भदौ ३  ।

सिद्धार्थ राजमार्ग बुधबार बिहानदेखि अवरुद्ध भएको छ । तिनाउ–३, स्थित सिद्धबाबा सुरुङ मार्ग क्षेत्रमा पहिरो खस्दा राजमार्ग अवरुद्ध बनेको हो ।

पाल्पातर्फको सुरुङमार्गको एक सय मिटर नजिकै माथिबाट ढुङ्गासहितको पहिरो खसेपछि सडक अवरुद्ध बनेको जिल्ला प्रहरी कार्यालय पाल्पाका प्रहरी नायब उपरीक्षक भीमलाल भट्टराईले जानकारी दिनुभयो । उहाँका अनुसार माथिबाट अहिले पनि पहिरो खस्ने क्रम जारी रहेकाले पहिरो नरोकिदासम्म सडक खुलाउन समस्या भएको छ ।

पहिरो रोकिएपछि सडक खुलाउने काम सुरु गरिने उहाँले जानकारी दिनुभयो । सडक अवरुद्ध हुँदा बुटवलबाट पाल्पातर्फ आउने र पाल्पाबाट बुटवलतर्फ जाने सयौँ सवारीसाधनबिच बाटोमै रोकिएका छन् । पहिरो हटाएपछि दुईतर्फी नै सडक जाम नहुने गरी अहिले विभिन्न स्थानमा सवारीसाधनलाई रोक्ने काम ट्राफिक प्रहरीले गरिरहेको छ । 

नागरिक अनलाइन

लेखकबाट थप

• बुधवार, भाद्र ३ २०८३११:३५:२३

• Tags:

  # पहिरो # सिद्धबाबा सुरुङ मार्ग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...