बुटवल,साउन ८ ।

बुटवल अटो इन्जिनियरिङ एशोसियसनको ३१औँ स्थापना दिवसका अवसरमा आज आयोजित ब्याडमिन्टन प्रतियोगिता उत्साहपूर्ण रूपमा सम्पन्न भएको छ।

व्यवसायीहरूबीच आपसी एकता, स्वास्थ्यप्रति सचेतना र खेल संस्कृतिको विकास गर्ने उद्देश्यले आयोजना गरिएको प्रतियोगितामा एशोसियसनमा आबद्ध विभिन्न सेक्टरका व्यवसायीहरूको उल्लेखनीय सहभागिता रहेको थियो।

प्रतियोगितामा आठ टोलीका १६ जना खेलाडीले प्रतिस्पर्धा गरेका थिए। दिनभर सञ्चालन भएको खेलमा सहभागीहरूले रोमाञ्चक प्रतिस्पर्धा प्रस्तुत गरेका थिए। फाइनल प्रतिस्पर्धामा रिषी चौधरी र युवराज सारुको जोडीले उत्कृष्ट तालमेल र सशक्त प्रदर्शन गर्दै उपाधि जित्न सफल भयो। नवराज सुवेदी र जयप्रकाश भुसालको जोडी उपविजेतामा सीमित बनेको थियो।

अटो पार्टपुर्जा तथा सर्भिसिङ व्यवसायमा व्यस्त रहने व्यवसायीहरूलाई खेलकुदमार्फत शारीरिक तथा मानसिक रूपमा स्वस्थ रहन प्रेरित गर्ने उद्देश्यले प्रतियोगिता आयोजना गरिएको एशोसियसनले जनाएको छ। दैनिक कामको व्यस्तताबीच खेलकुदले व्यवसायीहरूबीच सम्बन्ध विस्तार गर्नुका साथै आपसी भाइचारालाई थप मजबुत बनाएको सहभागीहरूले बताएका छन्।

कार्यक्रम संयोजक नवराज सुवेदीको संयोजनमा सम्पन्न प्रतियोगितामा एशोसियसनका पूर्वअध्यक्ष तथा संरक्षण सल्लाहकार केवलप्रसाद यादव, अध्यक्ष प्रेम गौंचन, क्लब अध्यक्ष केसरप्रताप जंगबहादुर राणा तथा महासचिव पुनित पोखरेललगायतले आन्तरिक प्रतिष्प्रर्धाले खेलको विकास सँगै भाईचारा समेत विकास हुने उल्लेख गरे । 

महासचिव पुनित पोखरेलले प्रतियोगिताका विजेता तथा उपविजेता टोलीलाई ट्रफी, मेडल, प्रमाणपत्र र नगद पुरस्कार समापन समारोहमा प्रदान गरिने जानकारी दिए। उनले खेलकुदलाई संस्थाको नियमित गतिविधिका रूपमा निरन्तरता दिँदै व्यवसायीहरूको स्वास्थ्य र आपसी सम्बन्धलाई अझ सुदृढ बनाउन यस्ता कार्यक्रमलाई आगामी दिनमा पनि प्राथमिकताका साथ सञ्चालन गरिने बताए।

३१औँ स्थापना दिवसअन्तर्गत सञ्चालन भइरहेका कार्यक्रमका क्रममा अब साउन ९ गते फुटसल प्रतियोगिता आयोजना गरिनेछ। त्यसपछि साउन १३ गते हुने विशेष समारोहका बीच विभिन्न कार्यक्रमसहित स्थापना दिवस औपचारिक रूपमा समापन गरिने एशोसियसनले जनाएको छ।

नागरिक अनलाइन

लेखकबाट थप

• शुक्रवार, श्रावण ८ २०८३१०:५६:२२

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन