बुटवल,असार २९ ।

जी ट्वाइन्टि फाइभ क्लव बुटवल-११ रुपन्देहीले १३ औँ संस्करणको रक्तदान कार्यक्रम सम्पन्न गरेको छ । रक्तदान जीवनदान भन्ने मूलमन्त्रलाई आत्मसात गर्दै गरिएको रक्तदान कार्यक्रममा ५१ युनिट रगत संकलन भएको छ ।

सो अवसरमा बोल्दै प्रमुख अतिथि बुटवल उपमहानगरपालिका प्रमुख खेलराज पाण्डेयले क्लवे निकै प्रशंसायोग्य सामाजिक काम गरिरहेको बताउनुभयो । उहाँले समाजमा क्लवहरूले सधै योगदान दिनुपर्ने बताउनुभयो  ।

क्लवका अध्यक्ष सजनकुमार भारीले क्लवले विभिन्न रचनात्मक काम गरिरहेको बताउनुभयो ।  उहाँले गरिब, विपन्न र असहायहरुको लागि शिक्षा र स्वास्थ्यमा पहुँच बढाउने, विपद् व्यवस्थापन, वातावरण, कला र संस्कृतिको संरक्षणमा समेत सघाउने लक्ष्य अनुरूप अघि बढिरहेको बताउनुभयो ।

देवीनगर चौपारीमा रक्तदान गरिएको र कार्यक्रम सफल भएको कार्यक्रम संयोजक  मिलन कुमार भारीले बताउनुभयो ।

कार्यक्रममा नेपाल रेडक्रस सोसाइटि रक्तसंचार केन्द्र बुटवलले प्राविधिक सहयोग गरेको थियो । सो अवसरमा क्लवका संस्थापक ,निवर्तमान, सल्लाहकार ,मार्गदर्शक,संरक्षक,पदाधिकारी ,सल्लाहकारहरु,सदस्यहरू , शुभेच्छुक एवं युवा विद्यार्थीको सक्रिय सहभागिता रहेको उपाध्यक्ष तेजेन्द्र खनालले बताउनुभयो ।

बुटवल, देवीनगरमा मुख्य कार्यालय रहेको जी २५ क्लब (g25 club) एक सामाजिक तथा मानवीय सेवामा समर्पित युवाहरूको संस्था हो । यस क्लबले विशेष गरी समाजका विपन्न, अशक्त, तथा बिरामीहरूलाई राहत, उपचारमा सहयोग र निस्शुल्क भोजन वितरण जस्ता परोपकारी कार्यहरू सञ्चालन गर्दै आएको छ ।

नागरिक अनलाइन

लेखकबाट थप

• सोमवार, आषाढ २९ २०८३०६:५२:५७

• Tags:

  # जी ट्वान्टी फाइभ क्लव

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...