बुटवल,असार २१ ।

रजा-ए-मुस्तफा मस्जिद समिति बुटवल उपमहानगरपालिका वडा नम्बर ७ स्थित नन्दिनी गौशालामा गौ-आहार वितरण गरेको छ ।

ईस्लाम धर्मावलम्बीहरुको इस्लामिक नयाँ वर्ष १४४८ अवसर पारेर बुटवल–७ शिवनगरस्थित गौशाला रहेको गाईवस्तुको लागि आवश्यक आहार वितरण गरेको हो । गौआहारलाई बुटवल उपमहानगरपालिका प्रमुख खेलराज पाण्डेयले गौशालालाई हस्तान्तरण गर्नुभयो ।

सो अवसरमा मेयर पाण्डेयले मुस्तफा मस्जिद बुटवलको पुरानो समिति रहेको बताउँदै विभिन्न सामाजिक कार्य गर्दै अघि बढेकोमा खुसी व्यक्त गर्नुभयो । गौशाला बुटवल उपमहानगरपालिकाको संरक्षकत्वमा सञ्चालन रहेको बताउँदै उहाँले सबैको सहयोग आवश्यक रहेको बताउनुभयो ।

रजा-ए-मुस्तफा मस्जिद समितिका अध्यक्ष हाजी अब्दुल सहमत मियाले नयाँ वर्षको अवसरमा पारेर समितिले विभिन्न कार्यक्रम गरिरहेको बताउनुभयो । उहाँले गौशालामा झण्डै ५० हजार बराबरको गाईवस्तुलाई आवश्यक पर्ने खाद्यवस्तु हस्तान्तरण गरेको बताउनुभयो । आगामी दिनमा पनि सामाजिक क्षेत्रमा काम गर्दै जाने मियाको भनाइ थियो । 

नागरिक अनलाइन

लेखकबाट थप

• आइतवार, आषाढ २१ २०८३०६:२६:२१

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन