बुटवल, असार १८ । 

नेपाल चेम्बर अफ कमर्स लुम्बिनी प्रदेशको आयोजनामा नेपाल उद्योग वाणिज्य महासंघ (FNCCI) का नवनिर्वाचित उपाध्यक्ष, प्रदेश अध्यक्ष तथा केन्द्रीय सदस्यहरूलाई बधाई, शुभकामना ज्ञापन कार्यक्रम सम्पन्न भएको छ।

बुधबार बुटवल, मिलनचोकस्थित चेम्बरको प्रदेश कार्यालयमा संस्थाका अध्यक्ष श्री टंक प्रसाद पोखरेलको अध्यक्षतामा उक्त कार्यक्रम सम्पन्न भएको हो। निजी क्षेत्रका दुई प्रतिष्ठित व्यावसायिक संस्थाहरूबीचको समन्वय, सहकार्य र कार्यगत एकतालाई थप सुदृढ बनाउने उद्देश्यले कार्यक्रमको आयोजना गरिएको हो।

कार्यक्रममा चेम्बरका प्रदेश अध्यक्ष टंक प्रसाद पोखरेलले नेपाल उद्योग वाणिज्य महासंघका नवनिर्वाचित उपाध्यक्ष, प्रदेश अध्यक्ष तथा केन्द्रीय सदस्यहरूलाई चेम्बर सचिवालयमा हार्दिक स्वागत गर्दै कार्यकाल सफलताको शुभकामना व्यक्त गर्नुभएको थियो।

बैठकमा नेपाल चेम्बर अफ कमर्स लुम्बिनी प्रदेशको मूल अवधारणा प्रस्तुत गर्दै अध्यक्ष पोखरेलले भन्नुभयो, "निजी क्षेत्रका व्यावसायिक संस्थाहरू एकआपसमा प्रतिस्पर्धी होइनन्, बरु  आर्थिक समृद्धिका सहयात्री हुन्।" सो अवसरमा मुलुकको लगानी प्रवर्द्धन, उत्पादन वृद्धि, रोजगारी सिर्जना र नीतिगत सुधारका लागि संघलुम्बिनी प्रदेश रमहासंघ लगायतका सबै व्यावसायिक संस्थाहरू एकजुट भएर अगाडि बढ्नुपर्ने धारणामा सर्वसम्मत सहमति जुटेको छ।

बैठकले निजी क्षेत्रबीचको समन्वय र सहकार्यलाई थप बलियो बनाउने विषयमा गहन छलफल गर्दै आगामी दिनमा नेपाल चेम्बर अफ कमर्स लुम्बिनी प्रदेश र नेपाल उद्योग वाणिज्य महासंघबीच समन्वयात्मक रूपमा सार्थक ढंगले कार्यगत एकता गर्ने प्रतिबद्धता समेत व्यक्त गरेको छ।

नागरिक अनलाइन

लेखकबाट थप

• बिहिवार, आषाढ १८ २०८३०४:१८:०२

• Tags:

  # नेपाल चेम्बर अफ कमर्स

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन