गुल्मीको सत्यवती गाउँपालिकामा कपडा बैंक सञ्चालन तथा ४९१ जना आवश्यकतामा रहेका नागरिकलाई कपडा वितरण कार्यक्रम सम्पन्न भएको छ ।

गाउँपालिका अध्यक्ष टिकराम पाण्डेयको सभाध्यक्षता, उपाध्यक्ष श्रीमती निरु माया तरामी, प्रमुख प्रशासकीय अधिकृत हरि प्रसाद पौडेल, वडाध्यक्षहरू, कार्यपालिका सदस्यहरू, विभिन्न संघसंस्थाका प्रतिनिधिहरू, कपडा बैंकका संस्थापक कमल जी.सी. तथा सेवाग्राहीहरूको उल्लेखनीय उपस्थितिमा कार्यक्रम सम्पन्न भएको हो ।

कार्यक्रमलाई सम्बोधन गर्दै गाउँपालिका अध्यक्ष टिकराम पाण्डेयज्यूले आफू विभिन्न देशहरूको भ्रमणमा जाँदा कपडा बैंकबाट कोट खरिद गरी प्रयोग गरेको अनुभव सुनाउँदै कपडा बैंकको अवधारणा अत्यन्तै उपयोगी र उदाहरणीय रहेको बताउनुभयो ।

उहाँले कपडा बैंकबाट प्रदान गरिने सेवाको भरपुर उपयोग गर्न तथा घरमा प्रयोगमा नआएका तर प्रयोगयोग्य कपडा दान गरी अभियानलाई थप प्रभावकारी बनाउन स्थानीयवासीहरूलाई आग्रह गर्नुभयो ।

कार्यक्रममा ४९१ जना आवश्यकतामा रहेका नागरिकलाई न्यानो कपडा वितरण गर्नुका साथै प्रयोगमा नआएका तर प्रयोगयोग्य कपडाहरू संकलन गरी पुनः प्रयोगमार्फत आवश्यक नागरिकसम्म निःशुल्क पुर्‍याउने उद्देश्यसहित सत्यवती गाउँपालिकामा कपडा बैंक सञ्चालनमा ल्याइएको छ ।

नागरिक अनलाइन

लेखकबाट थप

• सोमवार, आषाढ ८ २०८३०८:१३:०८

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन