बुटवल,असार ७ ।

अन्तर्राष्ट्रिय योग दिवसको अवसरमा द आर्ट अफ लिभिङ नेपालले लुम्बिनी प्रदेश प्रहरी तालिम केन्द्र बुटवलमा योग प्रशिक्षण शिविर गरेको छ ।

१२ औं अन्तर्राष्ट्रिय योग दिवसको अवसरमा द आर्ट अफ लिभिङ नेपाल रुपन्देही शाखाले ‘दीर्घायुका लागि योग’ भन्ने नारासहित लुम्बिनी प्रदेश प्रहरी तालिम केन्द्र बुटवलमा योग प्रशिक्षण शिविर गरेको हो ।

योग प्रशिक्षण शिविरको उद्घाटन गर्दै नेपाल प्रहरी लुम्बिनी प्रदेश प्रहरी प्रमुख डिआईजी भुपेन्द्रबहादुर खत्रीले स्वस्थ्य जीवनका लागि योग अपरिहार्य रहेको बताए ।

उनले योगले मानिसलाई स्वास्थ्यसंगै स्फूर्ती समेत बढाउने भएकाले हरेक दिन योग अभ्यासमा जोड दिए ।
विश्वव्यापी रूपमा मानव मूल्य, शान्ति र तनावमुक्त जीवन प्रवद्र्धनका लागि द आर्ट अफ लिभिङले काम गर्दै आएको र रुपन्देहीमा सुरुवाती समयदेखि नै योग दिवसमा योग अभ्यासका लागि प्रशिक्षण शिविर सञ्चालन गर्दै आएको द आर्ट अर्फ लिभिङ रुपन्देहीका जिल्ला समन्वय समिति संयोजक उज्ज्वलप्रसाद कसजूले बतए ।

यसले श्वास–प्रश्वासका विशेष विधि, ध्यान, योग, जीवन–कौशल र सेवा कार्यमार्फत मानिसलाई शारीरिक र मानसिक रूपमा सक्षम बनाउने पनि उनले बताए ।
उनका अनुसार योग शरीर, मन र आत्माबीच सन्तुलन स्थापित गर्ने प्राचीन विज्ञान हो, योगमा आसन, प्राणायाम, ध्यान र अनुशासित जीवनशैली समावेश हुन्छ ।

त्यस अवसरमा योग प्रशिक्षकहरु रेशम पाण्डे, भारती जोशी र कृष्ण केसीले योग प्रशिक्षण सहित योग अभ्यास गराएका थिए ।
नेपाल सरकारले संयुक्त राष्ट्रसंघको महासभाबाट पारित प्रस्ताव अनुसार २१ जुनमा विश्व योग दिवस मनाउने २०७३ जेठ २६ मा निर्णय गरेको थियो । सोही अनुसार नेपालमा पनि प्रत्येक वर्ष २१ जुनमा विश्व योग दिवस मनाउन थालिएको हो ।

नागरिक अनलाइन

लेखकबाट थप

• आइतवार, आषाढ ७ २०८३११:५४:१७

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन