काठमाडौँ,जेठ २९ ।

नेपाली कांग्रेसले क्रियाशील सदस्यता अद्यावधिक गर्ने समय थप नगर्ने भएको छ । कांग्रेसले पार्टी सदस्यतलाई डिजिटल बनाउन थालेको सदस्यता अद्यावधिक अभियान मध्यरातबाट सकिएको छ । यसअघि पटकपटक म्याद थप गरिएको भए पनि अब भने क्रियाशील सदस्यताका लागि थप समय उपलब्ध नगराउने कांग्रेसले जनाएको छ ।

यद्यपि चित्तबुझ्दो कारण देखाएर कसैले सदस्यता अद्यावधिक गर्न छुटेको भए अवरोध हुने छैन । कांग्रेस महामन्त्री प्रदीप पौडेलले सदस्यता अद्यावधिकमा सन्तोषजनक प्रगति भएको बताए ।

‘विविध समस्याका बावजुद अहिलेसम्म ६ लाखभन्दा बढीले क्रियाशील सदस्यता अद्यावधिक गर्नुभएको छ । यसलाई उपलब्धिका रुपमा लिएका छौं’, महामन्त्री पौडेलले भने । उनले बिहीबार मध्यरातबाट सदस्यता अद्यावधिक अभियान सम्पन्न हुने बताए । कुनै प्राविधिक कारणले कोही छुटेको भए पार्टी संरचनामा निवेदन दिन सकिने पौडेलले जानकारी दिए ।

‘कतिपय प्राविधिक कारणले कागजात नपुगेको, अद्यावधिकमा छुटेको कोही हुनुहुन्छ भने पार्टीले हेर्छ । अभियानकै रुपमा क्रियाशील सदस्यता अद्यावधिक गर्ने काम भने आज सकिदैछ’, उनले भने ।

क्रियाशील सदस्यता अद्यावधिक गर्ने कामले कांग्रेसलाई नयाँ तागत दिएको पौडेलको भनाइ छ । देशभरका लाखौं कार्यकर्ता एउटै डिजिटल प्रणालीमा आवद्ध भएको भन्दै महामन्त्री पौडेलले कांग्रेसलाई नयाँ ढंगले अगाडि बढाउने केन्द्रीय समितिको निर्णयमा आम कार्यकर्ताले साथ दिएको बताए ।

उनले राजनीतिक रुपमा असन्तुष्ट नेताहरुसँग संवाद जारी रहेको भन्दै विधानभित्र रहेर सम्भव हुने सबै सहमतिका लागि तयार रहेको बताए ।

नागरिक अनलाइन

लेखकबाट थप

• शुक्रवार, जेठ २९ २०८३०६:१६:५८

• Tags:

  # नेपाली काँग्रेसको क्रियाशील सदस्यता

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा