बुटवल,जेठ २७ ।

युवा खेलाडीहरुलाई प्लेटफर्म दिने गरि बुटवलमा राष्ट्रिय यु–१९ छात्र खुला भलिबल प्रतियोगिता हुने भएको छ । जननेता मदन भण्डारीको ७५ औ जन्म जयन्तीको अवसरमा मदन भण्डारी स्पोर्टस एकेडेमीको आयोजनामा मदनभण्डारी कप यु–१९ विद्यालयस्तरिय राष्ट्रिय छात्र भलिबल प्रतियोगिता २०८३ हुने भएको हो ।

बुधबार बुटवलमा पत्रकार सम्मेलन गरि प्रतियोगिताको सम्पूर्ण तयारी पुरा भएको एकेडेमीका अध्यक्ष ध्रुव आचार्यले बताए । ‘सबैका लागि खेलकुद’ नारासहित बिसं २०६६ साल स्थापनासंगै निरन्तर खेलकुद गतिविधि गर्दै आएको एकेडेमी पछिल्लो केही समय देशको राजनीतिक अवस्थाका गतिशिल हुन नसकेको उनले बताए ।

‘यो वर्ष छात्र भलिबलसंगै प्रतियोगिताहरु शुरु भएको छ ।’–उनले भने । यसपछि बागमतीमा छात्रा भलिबल तथा अन्य खेल गतिविधिहरुलाई तिब्रता दिने उनले बताए । प्रतियोगिताको विजेता टिमलाई नगद १ लाख रुपैया, कप, मेडल, प्रमाणपत्रबाट पुरस्कृत गरिने छ ।

यसैगरि उपविजेता टिमलाई ५० हजार, तृतिय टिमलाई ३० हजार, चौथौ टिमलाई नगद १५ हजार रुपैयाबाट पुरस्कृत गरिने छ । यसैगरि विधागत रुपमा सर्वोत्कृष्ट खेलाडीलाई नगद १० हजार रुपैया तथा उत्कृष्ट खेलाडी, स्पाईकर, सेटर, बल्कर, डिफेन्सलाई ५ हजार रुपैया, ट्रफीबाट पुरस्कृत गरिने उनले बताए ।

असार १ गतेससम्म संचालन हुने प्रतियोगितामा न्यूटन हाई स्कुल बागमति, पोखरा युनाईटेड एकेडेमी कास्की,इन्सपिरियसन ईगलिस स्कुल झापा, न्यू होराईजन स्कुल बुटवल, नवलपुर भलिबल एकेडेमी नवलपुर, दीप बोर्डिङ स्कुल बुटवल, मणिमुकुन्द कलेज बुटवल, मण्डला स्पोर्टस एकेडेमी पाल्पा गरि ८ टिमले भाग लिने संयोजक राम केसीले बताए । प्रतियोगिता संचालन गर्न करीब ३४ लाख रुपैया खर्च हुने अनुमान आयोजकको रहेको छ ।

नागरिक अनलाइन

लेखकबाट थप

• बुधवार, जेठ २७ २०८३०८:१२:३५

• Tags:

  # राष्ट्रिय छात्र यु–१९ भलिबल # मदन भण्डारी स्पोर्टस एकेडेमी

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन