बुटवल, जेठ २३ ।

पूर्व अन्तर्राष्ट्रिय क्रिकेट खेलाडी शक्ति गौचनले रूपन्देही क्रिकेट सङ्घको अध्यक्षमा उम्मेदवारी दिने घोषणा गर्नुभएको छ ।लुम्बिनी खुकुरी क्लब, बेलहियाले शनिबार भैरहवामा आयोजना गरेको पत्रकार सम्मेलनमा यही जेठ २५ गते हुने सङ्घको निर्वाचनमा आफूले अध्यक्ष पदमा उम्मेदवारी दिने गौचनले घोषणा गर्नुभएको हो ।

क्रिकेट खेल र खेलाडीको समस्याको समाधान गर्न आफूले उम्मेदवारी दिन लागेको उहाँले बताउनुभयो । उहाँले २५ वर्षसम्म आफूले क्रिकेटको विकासमा योगदान पुर्‍याएको बताउनुभयो । 

गौचनले १८ वर्ष खेलाडीको रूपमा र खेलबाट सन्न्यास लिएपश्चात पनि क्रिकेट खेलको विकासमा निरन्तर लागि परेको बताउनुभयो । समग्र क्रिकेट खेलको विकासका लागि रूपन्देही क्रिकेट सङ्घको नेतृत्व गर्न आफूले चाहेको उहाँले बताउनुभयो । क्रिकेट प्रतियोगिता सञ्चालनका लागि प्रयाप्त भौतिक पूर्वाधार आवश्यक हुने उहाँको भनाइ छ । 

‘‘नेपाली क्रिकेटले छुट्टै पहिचान बनाएको छ, उहाँले भन्नुभयो–‘विगतमा रूपन्देही जिल्ला खेलाडी उत्पादनको जिल्लाको रूपमा चिनिन्थ्यो, अहिले केही सङ्ख्या घटेको छ, क्रिकेट क्षेत्रमा सुधारको आवश्यकता पनि छ, ’उहाँले भन्नुभयो । आफू अध्यक्षमा निर्वाचित भएपछि काम गरेर देखाउने उहाँले दाबी गर्नुभयो । ‘निस्वार्थ भावले क्रिकेटको विकासका निम्ति लागि परेका छौं र लाग्छौं, ’’उहाँले भन्नुभयो । 

त्यस्तै रूपन्देही क्रिकेट सङ्घको उपाध्यक्ष पदका उम्मेदवार संजीव कुमार जोशीले क्रिकेट र पर्यटन क्षेत्रलाई सँगसँगै लैजाँदा आर्थिक चलायमानमा पनि टेवा पुग्ने बताउनुभयो । 

पत्रकार सम्मेलनमा लुम्बिनी खुकुरी क्लबका अध्यक्ष महेश थापा, पूर्वअध्यक्ष राम बहादुर बस्नेत लगायतले बोल्दै गौचनको नेतृत्वले क्रिकेटका समस्या समाधान गर्ने दाबि गर्नुभयो । २५ गते हुने निर्वाचनमा हालका अध्यक्ष हरिबहादुर थापाले पनि उम्मेदवारी घोषणा गर्नुभएको छ ।

नागरिक अनलाइन

लेखकबाट थप

• शनिवार, जेठ २३ २०८३०७:१३:०४

• Tags:

  # शक्ति गौचन # रूपन्देही क्रिकेट सङ्घ

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा