बुटवल, जेठ ७ ।

बुटवल उपमहानगरपालिका वडा नम्बर–११ देवीनगरस्थित गार्गी एकेडेमीले माध्यामिक शिक्षा परीक्षा एसईई–२०८२ मा उत्तीर्ण विद्यार्थीलाई बधाई, शुभकामना तथा सम्मान गरेको छ ।

बुधबार स्कूलले एक समारोह आयोजना गरी उच्च अंकसहित एसईई उत्तीर्ण विद्यार्थीलाई सम्मान गर्दै बधाई तथा शुभकामना प्रदान गरेको हो । एसईईमा विद्यालयका छात्रा अमिसा पौडेलले चार जीपीए ल्याएर उत्तीर्ण भएकी छन् । यस्तै ५ जना विद्यार्थीले ३.९० भन्दा माथिको जीपीए ल्याएर उत्तीर्ण भएका छन ।

यस्तैगरी ३.६१ भन्दा माथि ३४, ३.२१ देखि ३.६० जीपीएसम्म ३९ र २.८१ देखि ३.२० ल्याउने १४ जना विद्यार्थीसहित शत प्रतिशत ८७ जना विद्यार्थी उत्तीर्ण भएका छन् । 
सम्मान कार्यक्रममा बोल्दै अभिभावक संघ, रुपन्देहीका अध्यक्ष लोकनाथ ज्ञवालीले गार्गी एकेडेमीले स्थापनाको छोटो समयमा हाँसिल गरेको उत्कृष्ट नजिता सबैका लागि सिकाई बनेको बताए । शिक्षक, अभिभावक र विद्यार्थीको सफल सहकार्यबाट मात्रै सफलता हाँसिल गर्न सकिने बताउँदै उनले त्यसमा गार्गीले आफूलाई उत्कृष्टता देखाएको चर्चा गरे । विद्यार्थीलाई पढाईसँगै नैतिक शिक्षा, अनुशासन र संस्कार आवश्यक रहेको ज्ञवालीले जोड दिए । 
कार्यक्रममा विद्यालयका प्राचार्य भुवन अधिकारीले सबैको संकल्प, लगनशीलता र आत्मविश्वासबाट अहिलेको नजिता विद्यालयले हाँसिल गर्न सफल भएको बताए ।

विद्यालयको सबै टिमको परिश्रमबाट चार जीपीएसहित आएको प्राचार्य अधिकारीको भनाइ छ । कार्यक्रममा विद्यालयका अध्यक्ष झविन्द्र अधिकारीले विद्यालयको  बलियो शैक्षिक धरोहरलाई अहिलेको नतिजाले झनै सशक्त बनाएको बताए । सो अवसरमा चार जीपीए ल्याउने विद्यार्थी अमिसा पौडेललाई नगद २५ हजार रुपैयाँसहित सम्मान गरिएको थियो ।

त्यस्तै मावि शिक्षकहरुलाई पनि नगरसहित सम्मान गरिएको विद्यालयका अतिरिक्त क्रियाकलाप प्रमुख भीमबहादुर चौधरीले जानकारी दिए । कार्यक्रममा विद्यालयका पूर्व अध्यक्ष रणबहादुर थापा, विद्यार्थी अमिसा पौडेल, मावि संयोजक समिर अधिकारी लगायतले बोलेका थिए । विद्यालयका २ हजार ७०० विद्यार्थी अध्ययनरत छन । कार्यक्रममा विद्यार्थीहरुले विभिन्न नृत्य समेत प्रस्तुत गरेका थिए ।

नागरिक अनलाइन

लेखकबाट थप

• बिहिवार, जेठ ७ २०८३०९:२२:३४

• Tags:

  # एसईई # गार्गी एकेडेमी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा