गुल्मी,जेठ ५ ।

रुरुक्षेत्र गाउँपालिकाको शिक्षा, युवा तथा खेलकुद शाखाको आयोजनामा “प्र.अ. बैठक तथा नतिजा विश्लेषण कार्यक्रम” सम्पन्न भएको छ ।

गाउँपालिकाको सभाहलमा आयोजित कार्यक्रममा सामुदायिक विद्यालयका प्रधानाध्यापक, शिक्षक तथा शिक्षा क्षेत्रसँग सम्बन्धित सरोकारवालाहरूको सहभागिता रहेको थियो ।

कार्यक्रममा विद्यालयहरूको वार्षिक परीक्षाको नतिजा, सिकाइ उपलब्धि, शैक्षिक गुणस्तर तथा सुधारका उपायबारे विस्तृत समीक्षा गरिएको गाउँपालिकाले जनाएको छ । विद्यार्थीको नतिजा सुधार गर्दै शिक्षण सिकाइ प्रक्रियालाई थप प्रभावकारी बनाउने विषयमा विशेष जोड दिइएको थियो ।

बैठकमा पचास प्रतिशतभन्दा कम विद्यार्थी उत्तीर्ण गराउने विषयगत शिक्षकहरूले लिखित स्पष्टीकरण समेत पेश गरेका थिए । गाउँपालिकाले कमजोर नतिजा भएका विषयहरूको कारण, चुनौती तथा सुधारका योजनाबारे शिक्षकहरूसँग छलफल गर्दै आगामी दिनमा नतिजा सुधारमा विशेष ध्यान दिन निर्देशन दिएको जनाएको छ ।

शिक्षा शाखाका अनुसार विद्यालयको शैक्षिक गुणस्तर अभिवृद्धि, नियमित अनुगमन तथा जिम्मेवार शिक्षण प्रणाली विकास गर्न आगामी दिनमा थप प्रभावकारी कार्यक्रम सञ्चालन गरिनेछ । कार्यक्रममा सहभागीहरूले शिक्षा क्षेत्रमा सुधारका लागि सबै पक्षबीच समन्वय र सहकार्य आवश्यक रहेको बताएका थिए ।

नागरिक अनलाइन

लेखकबाट थप

• मंगलवार, जेठ ५ २०८३०८:४९:४६

• Tags:

  # रूरूक्षेत्र गांउपालिका

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा