बुटवल,जेठ ५।

लुम्बिनी प्रादेशिक अस्पताल बुटवलको नवनियुक्त अस्पताल बिकास समिति सदस्य उमादेवी ढकाल (कल्पना)ले मँगलबार पदभार ग्रहण गरेकी छन् ।

सो अवसरमा बोल्दै उनले अस्पतालमा आउने कुनै पनि सेवाग्राहीले स्वास्थ्य उपचारमा आफूलाई सुरक्षित महशुस गर्नेगरी वातावरण निर्माण गर्न बिकास समिति, अस्पताल प्रशासन, चिकित्सक तथा कर्मचारीहरुको सहकार्यलाई जोड दिइन् । 

अस्पालसँग लाखौ जनताको भरोसा र विश्वास जोडिएको बताउँदै उनले सोही अनुसार वातावरण निर्माणका लागि आफूले बिकास समितिको सदस्यमा रहेर भूमिका निर्वाह गर्ने प्रतिवद्धता व्यक्त गरिन् ।

नवनियुक्त सदस्यलाई स्वागत गर्दै बिकास समितिका अध्यक्ष अजयमान श्रेष्ठले अस्पतालप्रति जनअपेक्षा अत्याधिक रहेको बताउँदै त्यसलाई निरन्तरता र व्यवस्थापन जटिल बन्दै गएको उल्लेख गरे । अस्पतालको सेवा गुणस्तरलाई कायम राख्नका लागि पारदर्शी सहकार्यको आवश्यकतामा जोड दिए । 

अस्पतालका मेडिकल सुपेरिटेन्डेन डा. विष्णुप्रसाद गौतमले अस्पतालको गतिविधिलाई अधिकतम पारदर्शिता, उत्तरदायित्व र सहकार्यमा अघि बढाउन आफू प्रतिवद्ध रहेको उल्लेख गरे । यसका साथै जन अपेक्षा र अस्पतालमा प्राप्त सेवा सुविधा, जननशक्ति तथा प्रविधिहरुको सीमितता बारे पनि जनतालाई बुझाउन सक्नुपर्नेमा जोड दिए । 

लुम्बिनी प्रादेशिक अस्पतालमा दैनिक २ हजारदेखि २५ सय विरामी उपचारका लागि आउने गर्दछन् ।

यस अस्पतालमा वार्षिक चार लाख बढीले स्वास्थ्य सेवा लिने गरेको तथ्याङ्क छ । अस्पतालमा यसअघि अस्पताल बिकास समितिको महिला सदस्य पदमा रहेकी लक्ष्मी भट्टराईको ३ वर्षे कार्यकाल पूरा भएपछि लुम्बिनी प्रदेश सरकारले ढकाललाई सदस्यमा नियुक्त गरेको हो । उनको कार्यकाल ३ वर्षको रहने कार्यविधि छ ।

नागरिक अनलाइन

लेखकबाट थप

• मंगलवार, जेठ ५ २०८३०२:०७:१९

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...