बुटवल, वैशाख २० । 

सिद्धबाबा मन्दिर विकास समिति तिनाउ–३, दोभान पाल्पाको अध्यक्षमा अरविन्द पाण्डे निर्वाचित भएका छन् ।

वार्षिक साधारण सभा तथा अधिवेशनबाट पाण्डेयको अध्यक्षतामा १७ सदस्यीय समिति सर्वसम्मत चयन भएको हो।समितिको उपाध्यक्षमा शेरजंग थापा, सचिवमा बिष्णु प्रसाद पाण्डेय, सहसचिवमा कुमारी खड्का, कोषाध्यक्षमा तोया लम्साल चयन भएका छन् ।

त्यस्तै सदस्यहरुमाराम बहादुर थापा, दुर्गा श्रेष्ठ, नयना क्षेत्री, कमल श्रेष्ठ, वर्षा रायमाझी, सन्तोष शेरचन, नारायण प्रसाद घिमिरे, चित्रबहादुर थापा चयन भएको निर्वाचन समितिका संयोजक महेन्द्र पाण्डेले बताए ।

पारदर्शी गराउन हालको अवस्थालाई पालिकाबाट ७ जना र राजनितिक दलबाट ६ जनाबाट एकएक जना, पुजारीबाट २ जना र मनोनित २ जना गरि १७ सदस्यीय कार्यसमिति हुने ब्यवस्था रहेको छ ।

कार्यक्रममा संस्थाका अध्यक्ष सन्तोष कुमार शेरचनले संस्थाको वार्षिक प्रगति विवरण पेश गर्दै आफनो कार्यकालमा भएका विकास निमार्णबारे प्रकाश पारे ।

साधारणसभाको उद्घाटन गर्दै तिनाउ गाउपालिकाका अध्यक्ष प्रेम श्रेष्ठले तिनाउको पहिचानका रुपमा रहेको सिद्धबाबा धामलाई पर्यटनको आधारको रुपमा विकास गर्न सकिने सम्भावना रहेको छ । मन्दिर ब्यवस्थापनमा कुनै पनि पदमा रहदा समयलाई विशेष महत्व हुने उनले बताए ।

कार्यक्रममा समितिका उपाध्यक्ष लाल बहादुर थापा, सल्लाहकार दल बहादुर गुरुङले धार्मिक पर्यटन केन्द्रका रुपमा विकास गर्ने गरि योजना बनाउन सुझाव दिए ।

कोषाध्यक्ष कुमारी खड्काले आर्थिक वर्ष ०८१-०८२ मा आम्दानीतर्फ १ करोड ७ लाख रुपैया तथा खर्चतर्फ ९६ लाख रुपैया भएको बताईन ।

नागरिक अनलाइन

लेखकबाट थप

• आइतवार, बैशाख २० २०८३०६:५८:३२

• Tags:

  # सिद्धबाबा मन्दिर

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन