बुटवल,वैशाख १४ ।

बुटवलस्थित लुम्बिनी प्रादेशिक अस्पतालको मेडिकल सुपरिटेन्डेन्ट (मेसु) नियुक्ति सम्बन्धमा सर्वोच्च अदालतले दिएको निर्देशनात्मक आदेश कार्यान्वयनमा आएको छ । सर्वोच्चको आदेश कार्यान्वयन गर्दै लुम्बिनी प्रादेशिक अस्पतालमा ११औँ तहमा स्थायी नियुक्ति भएका डा.विष्णु गौतमलाई मेडिकल सुपरिटेन्डेन्टमा नियुक्त गरिएको हो ।

यसअघि ११औँ तहका डा. गौतमलाई पाखा लगाउँदै १०औँ तहका वरिष्ठ अर्थोपेडिक चिकित्सक डा. इन्द्र ढकाललाई लुम्बिनी प्रदेश सरकारले मेसु नियुक्त गरेको थियो । 

प्रदेश सरकारले मेसु नियुक्त गर्दा आफूलाई उपेक्षा गरिएको भन्दै गौतमले सर्वोच्च अदालतमा रिट दायर गरेका थिए । हरि प्रसाद फुयाल र अब्दुल अजीज मुसलमानको इजलासले नेपाल स्वास्थ्य सेवा जनरल हेल्थ समूहअन्तर्गत ११औँ तहका चिकित्सकलाई प्राथमिकता दिन निर्देशात्मक आदेश जारी गरेको थियो ।

लुम्बिनी प्रदेशका स्वास्थ्यमन्त्री खेम सारुले डा. गौतमलाई मेसुको जिम्मेवारी दिइएको जानकारी दिए । लामो समयदेखि कानुनी लडाइँ लड्दै आएका डा. गौतमले अदालतको आदेश ढिलो भए पनि कार्यान्वयनमा आउँदा आफूलाई न्याय मिलेको बताए ।

नागरिक अनलाइन

लेखकबाट थप

• सोमवार, बैशाख १४ २०८३०२:०५:५६

• Tags:

  # डा.बिष्णु गौतम # लुम्बिनी प्रादेशिक अस्पताल

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन