बुटवल, बैशाख ७ ।

आज बैशाख ७ गते । अर्थात बुटवलको जितगढीमा नेपाल–अंग्रेजका बीचमा भएको युद्धमा नेपालले विजय हासिल गरेको दिनको खुशीयालीमा जितगढी उत्सव मनाईँदै छ ।

१८७२ वैशाख ७ गते जितगढी किल्लामा कर्णेल उजिरसिंह थापा नेतृत्वको नेपाली फौजले अंग्रेज फौजमाथि जित हासिल गरेको खुसीयालीमा हरेक वर्ष विजय उत्सव मनाउने क्रममा आज पनि विजय उत्सव मनाउन लागिएको हो । बुटवल उपमहानगरपालिकाले प्रत्येक वर्ष विजय प्राप्त गरेको खुसीयालिमा विभिन्न कार्यक्रम आयोगजना गर्दै आएको छ ।

उपमहानगरका प्रमुख खेलराज पाण्डेयले जितगढी पर्वलाई राष्ट्रिय पर्वका रुपमा मनाउनु पर्ने बताउनुभएको छ । उहाँले कर्णेल उजिरसिंह थापालाई राष्ट्रिय विभूति घोषणा गर्नु पर्नेमा जोडदिनुभएको छ ।

यस वर्ष पनि उपमहानगरपालिकाले एक विशेष कार्यक्रमको आयोजना गरी जितगढी उत्सव मनाउँदैछ । कार्यक्रममा लुम्बिनी प्रदेशका मुख्यमन्त्रीको पनि उपस्थिति रहने उपमहानगरका प्रमुख  पाण्डेयले जानकारी दिनुभयो ।

आज जितगढी उत्सवका अवसरमा जितगढी उत्सव मूल समारोह, गोरखादेखि पैदलयात्रामा आएको नेपाली सेनाको टोलीलाई स्वागत तथा पैदल यात्रा समापन कार्यक्रम रहेको उपमहानगरका उपप्रमुख  साबित्रादेवी अर्यालले जानकारी दिनुभयो ।

गणेश मन्दिर नजिकैबाट बाजागाजासहित शुरु हुने पैदलयात्रीसहितको विजय¥याली जितगढी किल्लामा पुगेर समापन हुने छ । त्यसपछि विभिन्न कार्यक्रमहरुको आयोजना गरिएको प्रमुख प्रशासकीय अधिकृत दिपक ज्ञवालीले नागरिक अनलाइनलाइ जानकारी दिनुभयो । हरेक बर्ष पालिकाले अत्यावश्यक सेवा बाहेकका सेवा बन्द गरेर जितगढी उत्सवका अवसरमा जितगढीकिल्लामा उत्सव मूल समारोह गर्दै आइरहेको छ ।

नागरिक अनलाइन

लेखकबाट थप

• सोमवार, बैशाख ७ २०८३१०:०८:५९

• Tags:

  # जितगढी उत्सव # जितगढी किल्ला

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन