बुटवल,चैत्र ३० ।

बुटवलमा सम्पन्न शहिद प्रचण्ड थैव स्मृति दोस्रो सौभाग्य गोल्डकप फुटबल प्रतियोगिता २०८२ को उपाधि देवदह एफसीले चुमेको छ । सोमबार सम्पन्न फाईनलमा कपिलबस्तु-११ लाई ३-१ गोल अन्तरले पराजित गर्दै देवदहले उपाधि चुमेको हो ।

उपाधिसँगै देवदह नगद ५ लाख ५ हजार, कप, मेडल, प्रमाणपत्रबाट पुरस्कृत भयो । उपविजेता कपिलवस्तुले नगद २ लाख ५१ हजारसहित ट्रफी, मेडलमा चित्त बुझायो ।

फाईनल खेलमा देवदहका आशिष जिसी म्यान अफ दि म्याचबाट पुरस्कृत भए । सिद्धेश्वर खेलमैदानमा भएको खेलमा देवदहको जितमा सुरज चौधरी नायक रहे । उनले विजयी दुई गोल गरे । उनि प्रतियोगितामा सर्वोत्कृष्ट खेलाडी घोषित हुँदै नगद २५ हजार रुपैयाँ, कपबाट पुरस्कृत भए । देवदहका आशिष जिसीले थप एक गोल गरे । कपिलवस्तुका श्याम बियादीले सान्त्वना गोल गरे ।

प्रतियोगितामा कपिलवस्तुका गणेश पुलामी मगर बेष्ट मिडफिल्डर, देवदहका बिशाल केसी बेष्ट किपर, उत्कृष्ट डिफेन्डर एनिसेट एडिया, देवदहका सुरज चौधरी हाईस्कोरर, देवदह ब्वाईजका बिजय गुरुङ वेष्ट कोच बन्दै नगद ११ हजार, कपबाट पुरस्कृत भए । एक समारोहका बिच बुटवल उपमहानगरपालिकाका नगरप्रमुख खेलराज पाण्डेय, नगर खेलकुद विकास समिति बुटवलका संयोजक बोनिन पिया, क्लबका अध्यक्ष सुजु मल्ल, सचिव प्रकाश क्षेत्रीले विजेता, उपविजेता तथा उत्कृष्ट खेलाडीहरुलाई पुरस्कार वितरण गरे ।

नागरिक अनलाइन

लेखकबाट थप

• सोमवार, चैत्र ३० २०८२१०:१०:३०

• Tags:

  # सौभाग्य गोल्डकप

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन