बुटवल, चैत २८ ।

ब्राह्मण समाज नेपाल बुटवल उपमहानगरपालिका कमिटीको छैठौं साधारणसभा तथा ब्राह्मण जागरण कार्यक्रम सम्पन्न भएको छ ।

नगर अध्यक्ष हरिप्रसाद उपाध्यायको अध्यक्षतामा सम्पन्न उक्त सभामा ब्राह्मण समाज नेपालका केन्द्रीय अध्यक्ष प्रा. डा. नारायणप्रसाद अधिकारी प्रमुख अतिथिका रूपमा उपस्थित हुनुहुन्थ्यो । कार्यक्रममा सचिव नारायण भट्टराईले सहजीकरण गर्नुभएको थियो ।

सभाको सुरुवात शुभकामना मन्तव्य, शंखध्वनी तथा स्वस्तिवाचनबाट भएको थियो । त्यसपछि अध्यक्ष हरिप्रसाद उपाध्यायले वार्षिक प्रतिवेदन प्रस्तुत गर्नुभयो भने कोषाध्यक्ष श्याम प्रसादले आर्थिक प्रतिवेदन पेस गर्नुभयो । लेखा समितिका संयोजक वेदप्रसाद गैरेले लेखा प्रतिवेदन प्रस्तुत गर्नुभएको थियो । सबै प्रतिवेदनहरू सर्वसम्मत रूपमा पास भएका छन् ।

कार्यक्रममा बुटवलका १९ वटै वडाहरूको तर्फबाट प्रतिनिधित्व गर्दै बुटवल वडा नं. १३ बाट वडा सभापति खिमानन्द पौडेल ,गणेश घिमिरेले बोलेका थिए । उहाँहरूले ब्राह्मण समाजको एकता, जागरण र सामाजिक योगदानका विषयमा जोड दिनुभएको थियो ।

सभामा कुल ३५० जना भन्दा बढी ब्राह्मण समाजका सदस्यहरूको सहभागिता रहेको थियो । कार्यक्रममा ब्राह्मण समाजको संगठनात्मक सुदृढीकरण, सामाजिक जागरण, शिक्षा तथा संस्कृति संरक्षणका विषयमा छलफल भएको थियो ।

प्रमुख अतिथि प्रा. डा. नारायणप्रसाद अधिकारीले ब्राह्मण समाजलाई एकताबद्ध भएर अगाडि बढ्न आह्वान गर्दै आत्मरक्षा, धर्मरक्षा र सामाजिक कल्याणमा सक्रिय रहनुपर्ने बताउनुभयो ।

सभाले आगामी दिनमा समाजको गतिविधिलाई थप प्रभावकारी बनाउने निर्णयहरू समेत पारित गरेको छ । कार्यक्रम भव्य र शान्तिपूर्ण रूपमा सम्पन्न भएको आयोजकले जनाएको छ ।

नागरिक अनलाइन

लेखकबाट थप

• शनिवार, चैत्र २८ २०८२१०:४३:४२

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन