बुटवल,चैत्र १८।

सरकारले प्रमुख प्रशासकीय अधिकृत विहीन रहेका ४ वटा उपमहानगरपालिकामा प्रमुख प्रशासकीय अधिकृत पठाएको छ। बुटवल उपमहानगरसहित तुलसीपुर उपमहानगरपालिका, जनकपुर उपमहानगरपालिका र घोराही उपमहानगरपालिकामा प्रमुख प्रशासकीय अधिकृत पठाएकाे हाे ।

चैत १६ गतेको मन्त्रिपरिषद्को बैठकले यी ४ वटा उपमहानगरपालिका सहित प्रधानमन्त्री कार्यालय र सहरी विकास मन्त्रालयका लागि ६ जना सहसचिवको सरुवा तथा काजमा खटाउने निर्णय गरेको हो । 

सङ्घीय मामिला तथा सामान्य प्रशासन मन्त्रालयका सहसचिव प्रदीप परियारलाई प्रधानमन्त्री तथा मन्त्रिपरिषद्को कार्यालय सरुवा गरेको छ । उनलाई प्रधानमन्त्री बालेन्द्र शाहको निजी सचिवकारुपमा काजमा खटाइएको जनाइएको छ । यस्तै सह-सचिव नवराज शर्माको सहरी विकास मन्त्रालयमा सरुवा गरेको छ । 

यस्तै बुटवल उपमहानगरपालिकाको प्रमुख प्रशासकीय अधिकृतमा दीपक ज्ञवालीलाई पठाएको छ भने धनुषाको जनकपुर उपमहानगरपालिका प्रमुखमा ज्ञान हरि घिमिरेलाई पठाएको सङ्घीय मामिला तथा सामान्य प्रशासन मन्त्रालयले जनाएको छ ।

यस्तै सामान्यमै अतिरिक्त समूहमा रहेका टेक नारायण पौडेललाई तुलसीपुर उपमहानगरपालिका दाङको प्रमुख प्रशासकीय अधिकृतमा काजमा पठाएको छ भने दाङकै घोराही उपमहानगरपालिकामा चन्द्र प्रसाद भुसाललाई प्रमुखका रूपमा पठाएकाे छ ।

नागरिक अनलाइन

लेखकबाट थप

• बुधवार, चैत्र १८ २०८२०९:३९:२०

• Tags:

  # दीपक ज्ञवाली # प्रमुख प्रशासकीय अधिकृत

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...