बुटवल,चैत्र १७।

बुटवलको ईटाभट्टीमा ईभि हाइस र ईरिक्सा एक आपसमा ठोक्किँदा एक जनाको मृत्यु भएको छ भने एक जना गम्भीर घाइते भएका छन् ।

मंगलबार दिउँसो ३ बजे  बुटवल उपमहानगरपालिका ९ ईटाभट्टी स्थित खत्रि मेडिकल नजिकै भित्रि सडक खण्डमा तिनकुनेबाट बसपार्क तर्फ आउँदै बा प्र ०३००१ ज १२२९ नम्बरको ईभि हाइस र बिपरित दिसाबाट आइरहेको रा १ ह ४४३४ नं को ईरिक्सा आपसमा ठक्कर खाएका थिए । 

दुर्घटनामा परी अर्घाखाँचीको पाणिनि गाउँपालिका घर भई हाल बुटवल उपमहानगरपालिका १ बस्ने ३२ वर्षीय ईरिक्सा चालक गोबिन्द बिकको मृत्यु भएको जिल्ला प्रहरी कार्यालय बुटवलका प्रमुख डिएसपी निशान्त श्रीवास्तवले जानकारी दिए । यस्तै ईरिक्सामा सवार बुटवल २ मैनाबगर बस्ने २३  वर्षीया कृतिका आले मगर गम्भीर घाइते भएको उनले बताए । मगरको दुबै खुट्टा र टाउकोमा गम्भीर चोट लागेको छ । घाइते मगरको लुम्बिनी प्रादेशिक अस्पताल बुटवलमा उपचार भइरहेको प्रहरी प्रमुृख श्रीवास्तवले बताए ।

प्रहरीले चितवन भरतपुर महानगरपालिका वडा नं १५ रामपुर बस्ने ३४ वर्षीया इभी हाइसका चालक साजन परियार, ईभी हाइस र रिक्सालाई नियन्त्रणमा लिएको छ । 

नागरिक अनलाइन

लेखकबाट थप

• मंगलवार, चैत्र १७ २०८२०९:४६:३५

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग