काठमाडौं ,फागुन १५ ।

उज्यालो नेपाल पार्टीले पूर्वनिर्धारित चुनावी सभा स्थगन गरेको छ । शनिबार (फागुन १६) दिउँसो १ बजेदेखि काठमाडौंको टुँडिखेलमा गर्ने भनिएको सभा रोकिएको हो ।

सम्भावित सुरक्षा जोखिमलाई मध्यनजर गर्दै तत्कालका निम्ति सभा स्थगन गरिएको पार्टीका प्रवक्ता राजु थापाले बताए । “हामीले गर्न लागेको सभामा चुनाव बिथोल्ने पक्षले पनि कार्यक्रम राखेको भन्ने थाहा पाएसँगै हामीले तत्कालको लागि सभा स्थगित गरेका हौँ,” उनले भने, “सभाको लागि सम्पूर्ण तयारी भइसकेको अवस्था थियो । कुनै अप्रिय घटना नहोस् भनेर हामीले सभा स्थागित गरेका हौँ ।”

उनले चुनाव ‘बिथोल्ने पक्ष’ भने पनि त्यसबारे विस्तृत बताएनन् । त्यसबारे कसरी थाहा भयो भन्ने पनि खुलाएनन् ।सभाको अर्को मिति र स्थान मिलाउने कार्य भइरहेको उनले बताए । “१८ गतेसम्म हामी सभा गर्ने तयारीमा छौँ । त्यसको लागि ठाउँ खोजीकार्य भइरहेको छ,” उनले भने ।

प्रतिनिधिसभा सदस्य निर्वाचनअन्तर्गत यही फागुन २१ गते मतदान हुँदै छ । फागुन १८ सम्म चुनावी प्रचारप्रसार गर्न पाउने गरी निर्वाचन आयोगले समयसीमा तोकेको छ ।

नागरिक अनलाइन

लेखकबाट थप

• शनिवार, फाल्गुण १६ २०८२०२:२७:४०

• Tags:

  # उज्यालो नेपाल पार्टी

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन