पश्चिम नवलपरासी, फागुन १४ ।

नेपाली कांग्रेसका उपसभापति विश्वप्रकाश शर्माले देश गम्भीर परिस्थितिमा रहेको बताउँदै सोचेर मात्र मत व्यक्त गर्न आग्रह गर्नुभएको छ । आज पश्चिम नवलपरासीको सदरमुकाम परासीमा नेपाली काँग्रेसले आयोजना गरेको चुनावी सभालाई सम्बोधन गर्दे शर्माले २०६४ सालमा आवेगमा मत व्यक्त गर्दा देशले दुख पाएको बताउँदै अहिले पनि लहडमा मत व्यक्त गर्दा देश सङ्कटमा पर्न सक्ने बताउनुभएकाे हाे । 

२०६४ सालमा मतदाताबाट गल्ती हुँदा समयमै संविधान बन्न नसकेको स्मरण गर्न आग्रह गर्दे काँग्रेस अहिलेको जटिलताको समाधान गर्न सक्ने एक मात्र पार्टी भएको दाबी गर्नुभयो । जेनजीको माग बमोजिम परवर्तनको सुरुवात नेपाली कांग्रेसले विशेष महाधिवेशनबाट गरेको बताउँदै उहाँले आफू कुरा मात्र नभए व्यवहारमा परिवर्तन भएर आएको बताउनुभयो । कांग्रेसले देशको समस्या पहिचान र समाधान गर्ने गरि योजना बनाएर आएकाले अब कांग्रेसलाई बहुमत दिएर सरकारको नेतृत्व गर्ने स्थानमा जनमतले पुर्‍याउनु पर्ने उपसभापति शर्माले जोड दिनुभयो । 

आगामी निर्वाचनदेखि कांग्रेसमा टिकट लिन केन्द्रमा धाउनुपर्ने अवस्थाको अन्त्य हुने पनि उहाँले जानकारी दिनुभयो । आगामी महाधिवेशनबाट विशेष महाधिवेशनमा आएका विधि प्रक्रियाको विषय अनुमोदन भएपनि पार्टी भित्रको आन्तरिक निर्वाचनबाट उम्मेदवारको तय हुने पनि शर्माले जानकारी दिनुभयो । नवलपरासीको क्षेत्र नम्बर एक र दुई मा आज आयोजित चुनावी सभालाई शर्माले सम्बोधन गर्नुभएको थियो ।

काँग्रेसबाट क्षेत्र नम्बर एकमा उद्योगपति बिनोद चौधरी र क्षेत्र नम्बर दुईमा सुनवल नगरपालिकाका पूर्व नगर प्रमुख भीम बहादुर थापा उम्मेदवार हुनुहुन्छ ।

नागरिक अनलाइन

लेखकबाट थप

• बिहिवार, फाल्गुण १४ २०८२०५:१८:१८

• Tags:

  # विश्वप्रकाश शर्मा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा