बुटवल,फागुन ४ ।

नेपाली काँग्रेस रुपन्देही क्षेत्र नं. २ का उम्मेद्वार चुन्नप्रसाद पौडेलले लामो समयदेखि अन्यौलमा रहेको सुकुम्बासी समस्या समाधान गर्ने प्रतिवद्धता व्यक्त गर्नुभएको छ ।

उहाँले काँग्रेस नेतृत्वमा सरकार बनाउन सकियो भने लामो समयदेखिको भुमिहीन, सुकुम्बासी, अब्यवस्थित बसोबासी समस्या नीति बदलेर भएपनि समाधान गर्ने प्रतिवद्वता व्यक्त गर्नुभयो ।

निर्वाचन परिचालनका लागि गठित भुमिहीन सुकुम्बासी तथा अव्यवस्थित बसोबास क्षेत्र समन्वय समितिले गरेको अन्तरक्रिया कार्यक्रममा बोल्दै उम्मेद्वार पौडेलले विगतका जनप्रतिनीधिहरुले दिएको आश्वासन पुरा नहुँदा त्यही मुद्धा बोकेर जादा त्यहाँका मतदाताले पत्याउने अवस्था नरहेको भनाई राख्नुभयो ।

उहाँले भन्नुभयो–‘सुकुम्बासी समस्यालाई सधै भोट बैंकको रुपमा प्रयोग गर्ने नभई समस्या समाधानका लागि सार्थक पहल गर्न आवश्यक छ ।’
त्यसका लागि काँग्रेस नेतृत्वमा बहुमतको सरकार बन्नुपर्ने र काँग्रेस नेतृत्वमा बहुमतको सरकार बनाउनका लागि पनि काँग्रेसका उम्मेद्वारले जित्नुपर्ने भनाई राख्नुभयो । ‘गठवन्धन बिना निर्वाचनमा गएको र नीति र नेतृत्व समेत परिवर्तन गरेका कारण काँग्रेसलाई हार्ने छुट छैन । भातृ तथा सुभेच्छुक संस्थाहरु पूर्ण रुपमा क्रियाशिल भएर लाग्न आवश्यक छ’, उहाँले भन्नुभयो ।
त्यस अवसरमा समितिका संयोजक, काँग्रेस नेता, भूमि समस्या समाधान आयोगका पूर्व जिल्ला अध्यक्ष हरिबहादुर आचार्य क्षेत्रीले आफू आयोगको जिल्ला अध्यक्ष हुँदा भएका प्रगति सहितको कामको फेहरिस्त उम्मेद्वार पौडेललाई हस्तान्तरण गर्नुभयो ।

उहाँले आफ्नो कार्यकालमा समस्या समाधानका लागि धेरै काम गरेको र कतिपयलाई पुर्जा समेत वितरण गरिएको, केही वितरणको तयारीमा रहेको अवस्थामा आयोग विघटन गरेका कारण जग्गाको नापजाँच तथा पुर्जा वितरणको कामलाई पुरा गर्न नसकिएको जानकारी गराउनु भयो ।
त्यस अवसरमा समितिका सदस्यहरुले वडागत रुपमा भएका समस्या र समाधानका उपायका बारेमा जानकारी गराएका थिए । कार्यक्रममाा नेपाली काँग्रेसका केन्द्रीय सदस्य रामबहादुर कार्कीले भूमिहिन सुकुम्बासी समस्यालाई भोट बैंकको रुपमा प्रयोग गरेका कारण उनीहरुका समस्या समाधान हुन नसकेको बताउँदै काँग्रेस नेतृत्वको सरकार बन्दा त्यो समस्या सधैको लागि समाधान हुने जिकिर गर्नुभयो । 

नागरिक अनलाइन

लेखकबाट थप

• सोमवार, फाल्गुण ४ २०८२१०:०७:३१

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...