सैनामैना, माघ २७ ।

रुपन्देहीमा भरतकुमार शाहको नाम नसुन्ने कमै होलान, अहिलेसम्म उनको पहिचान विकासप्रेमी नेताको रुपमा चिनिन्थ्यो तर पछिल्लोसमय शाहको अर्को पहिचान पनि थपिएको छ । त्यो हो – जीतहार जेसुकै होस आफ्नो क्षेत्र परिवर्तन नगर्ने नेताको रुपमा । 
नेपालमा बिरलै यस्ता नेता छन जसले आफ्नो राजनीतिक जीवनको सुरुवात र अन्त्य एउटै निर्वाचन क्षेत्रबाट गरेको होस् । त्यो बिरलै नेताको पहिचान भरतकुमार साहले बनाएका छन् ।         
सन्दर्भ यसअघि २०७९ सालको निर्वाचनसंग जोडिएको छ । उनै नेता भरतकुमार शाह पराजित भए ।

भारी मतान्तरले बिजयी भएका एमालेका बासुदेव घिमिरे अहिले आफू निर्वाचित भएको क्षेत्र रुपन्देही ५ बाट रुपन्देही ३ मा गए ।   
रुपन्देही ५ का जनताले पछिल्लो समय बासुदेव घिमिरेलाई भगौडा नेताको रुपमा चिन्छन । 
अर्को प्रसंग २०६४ सालमा भएको पहिलो संविधान सभाको निर्वाचन हो । जहाँ भरतकुमार शाह एमालेका रामनाथ ढकालसंग पराजित भए । पराजयको आवेगमा शाहले क्षेत्र परिवर्तन गरेनन । २०७० सालमा भएको दोश्रो संविधान सभाको निर्वाचनमा जनताले उनै भरतकुमार साहको आवश्यकता महसुस गरे अनि भारी मतले विजयी गराए । 
साहको संसदीय यात्रा २०५६ सालदेखि सुरु भयो । २०८२ सालसम्म आईपुग्दा उनी छैठौपटक चुनावमा प्रतिष्पर्धा गर्दैछन । २६ बर्षको संसदीय यात्रामा उनलाई दुईपटक हार बेहोर्नु प¥यो तर उनी आत्तिएनन । बरु रुपन्देही ५ को विकासमा लागिरहे । अन्ततः विकासप्रेमी नेताको रुपमा आफ्नो पहिचान बनाए । 
रुपन्देही बाहिरपनि भरतकुमार साहलाई विकासप्रेमी नेताको रुपमा जो कसैले चिन्छन । यसअघि २०७९ मा भएको निर्वाचनमा रुपन्देही ५ का जनताले मत परिवर्तन गरे तर त्यो अभिषाप भयो । 
आठ हजार बढी मतान्तरले बिजयी भएका एमालेका बासुदेव घिमिरेले आफ्नो स्वार्थकै लागि रुपन्देही ५ लाई छोडेर रुपन्देही ३ तर्फ गए । बासुदेव घिमिरेको पहिलो संसदीय यात्रा थियो जहाँ उनलाई सफलता मिल्यो तर उनले रुपन्देही ५ का जनताको मत र भावनाको दुरुपयोग गरे । आफूलाई मतदान गर्ने मतदातालाई ठाडै दुत्कार गरे । 
त्यहीँ भरतकुमार साह २०५६ सालदेखि रुपन्देही ५ कै जनताको सामुन्ने छन । त्यहीको विकासमा समर्पित भएका छन ।  विकासप्रेमी नेताको पहिचान बनाएका छन । जीतहार जे होस आफ्नो क्षेत्र छोडेर बाहिर गएनन् । 
शाहको फागुन २१ गते हुने निर्वाचन अन्तिम निर्वाचन हो । 
मतदाताको घरमा पुग्दै गर्दा उहाँले अव यो निर्वाचन आफ्नो लागि अन्तिम निर्वाचन भएकोले बिजयी बनाउन आग्रह गर्नुभएको छ । 
शाहको संसदीय यात्राको करिव २६ बर्षको लामो राजनीतिक इतिहासको अन्तिम परिक्षा बन्दैछ यो आम निर्वाचन । यसपटक उहाँको अग्निपरिक्षा सुरु भएको छ । 
यसपटक उनीसंगै मैदानमा छन एमालेका खिमलाल भट्टराई । उनै भट्टराई रुपन्देही ३ मा दिपक बोहराको निधन भएपछि हुने भनिएको उपनिर्वाचनमा रुपन्देही ३ बाट चुनाव लड्न कस्सिएका थिए । अन्ततः जेनजी आन्दोलनका कारण उपनिर्वाचन ट¥यो । रुपन्देही क्षेत्र नं ३ ताकेका भट्टराई अहिले त्यहाँबाट उछिट्टिएर रुपन्देही ५ मा आईपुगेका छन । 
रुपन्देही ५ का जनताले भट्टराईलाई पनि बासुदेव घिमिरे जस्तै स्वार्थी नेताको रुपमा चिन्छन । किनभने उनले यसअघि रुपन्देही ३ बाट निर्वाचन लडन पार्टीबाट टिकट मिलाईसकेका थिए । उनी अहिले जनतालाई भ्रमित बनाउन लागेको रुपन्देही ५ का मतदाताको आरोप छ ।   
उता भरतकुमार साहलाई २६ बर्षको संसदीय राजनीतिमा जीतहारको कुनै परवाह भएन । दुईपटक हार्दै गर्दा उनले पनि क्षेत्र परिवर्तन गर्न सक्थे तर रुपन्देही ५ का जनताको मायाले उनलाई तानिरह्यो । 
रुपन्देही ५ का जनताले पनि अहिले उनलाई जिताउन कम्मर कसेर लागेका छन ।  जीवनको उर्जावान समय रुपन्देही ५ कै लागि समर्पित गरेका साहले भन्नुभयो– अव यो मेरो अन्तिम निर्वाचन हो, त्यसैले अन्तिम पटक मतदाताले मलाई बिजयी बनाउने छन भन्ने विश्वास छ । 
उहाँले भन्नुभएको छ–मैलै सुरु गरेका काम केही पूरा नभएका हुनसक्छन, ति काम पूरा गर्नुपर्नेछ । रुपन्देही ५ लाई समुन्नत क्षेत्रको रुपमा विकास गर्नुछ ।   
क्षेत्र नं ५ मा कञ्चन, मायादेवीको १ वडा र गैंडहवा गाउँपालिका, लुम्बिनी सांस्कृतिक नगरपालिकाका १० वडा र सैनामैना नगरपालिकाका वडा नं ५ देखि ११ सम्म गरी ३२ वटा वडा पर्छन् । 

नागरिक अनलाइन

लेखकबाट थप

• मंगलवार, माघ २७ २०८२०९:५९:१५

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन