तिलोत्तमा, माघ ७ ।

रुपन्देहीको तिलोत्तमा वडा नं–५ मणिग्राममा रहेको शान्ति नमुना माध्यमिक विद्यालयमा बुधबार रक्तदान कार्यक्रम गरिएको छ ।

विद्यालयको ६७ औं वार्षिकोत्सवको अवसरमा आयोजित कार्यक्रममा ३९ जनाले रक्तदान गर्नुभएको कार्यक्रमका संयोजक विष्णु प्रसाद अर्यालले जानकारी दिनुभयो ।बुटवल ब्लड बैंकका प्राविधिकहरु निरञ्जन राजभण्डारी, रोशन पुन र प्रिती थापाले प्राविधिक संयोजन गर्नुभएको थियो ।

विद्यालयको सामाजिक उत्तरदायित्व अन्तरगत रक्तदान कार्यक्रम गरिएको भन्दै विद्यालयका प्रधानाध्यापक कुल प्रसाद लामिछानेले शिक्षक, कर्मचारी, अभिभावक तथा विद्यार्थीमा मानवीय सेवा भावको विकास गर्न यसले मद्धत गर्ने बताउनुभयो ।

रक्तदाताहरुलाई नेपाल रेडक्रस सोसाइटी रुपन्देहीका महामन्त्री टेक बहादुर थापा, विद्यालय व्यवस्थापन समितिका अध्यक्ष शरद भट्टराइले सहभागिताको प्रमाणपत्र वितरण गर्नुभएको थियो । यसैबीच, शान्ति नमुनाले वार्षिकोत्सव तथा अभिभावक दिवशको मुल समारोह माघ ९ गते गर्ने भएको छ ।

कार्यक्रममा छात्रवृति वितरण, शिक्षक तथा कर्मचारी सम्मान, पत्रकार सम्मान, नानी मुखपत्रको विमोचन, पुरस्कार वितरण, सांस्कृतिक प्रस्तुती लगायतका कार्यक्रम गरिने विद्यालयका सूचना संयोजक दिनेश खड्काले जानकारी दिनुभयो । 

नागरिक अनलाइन

लेखकबाट थप

• बिहिवार, माघ ८ २०८२१२:२४:०४

• Tags:

  # शान्ति नमुना # रक्तदान कार्यक्रम # रक्तदान जीवनदान

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा