बुटवल,माघ ४ ।

बुटवल– बुटवल ८ सुख्खानगर स्थित क्यानन माध्यमिक विद्यालयमा आईतबार  ‘फुड कार्निभल’ अर्थात खाना महोत्सव गरिएको छ । विद्यालयमा अध्ययनरत कक्षा ११ र १२ व्यवस्थापन संकाय अन्तर्गत होटल म्यानेजमेन्टका विद्यार्थीहरुको आयोजनामा ‘फुड कार्निभल’ तथा म्यूजिक उत्सव गरिएको हो ।

फेस्टिबलको वेस्टर्न मेगा कलेजका प्राचार्य किशु शर्मा र विद्यालय व्यवस्थापन समितिका अध्यक्ष थानेश्वर पौडेलले उद्घाटन गरेका हुन् ।

उद्घाटनका अवसरमा बोल्दै वेस्टर्न मेगा कलेजका प्राचार्य शर्माले होटल म्यानेजमेन्ट पढने विद्यार्थीहरु सजिलै उद्यमी बन्न सक्ने बताए । उनले फुड फेस्टिबलमा समेत विद्यार्थीहरुले आफ्नो सिर्जनशिलता प्रस्तुत गरेको बताउँदै होटल म्यानेजमेन्ट शिक्षाले उद्यमशिलता, सिर्जनशिलता र नेतृत्व विकास गराउने बताए ।

यस्तै कार्यक्रममा विद्यालय व्यवस्थापन समितिका अध्यक्ष थानेश्वर पौडेलले क्याननले होटल म्यानेजमेन्ट मार्फत होटल क्षेत्रमा दक्ष जनशक्ति उत्पादन गरी देशको अर्थतन्त्रमा टेवा पुर्‍याएको विश्वास व्यक्त गरे ।
उनले शिक्षा भनेको आत्मनिर्भर र सिपमुलुक हुनुपर्ने आवाज उठिरहेको बेला कक्षा ११ र १२ का विद्यार्थीहरुले उत्कृष्ट प्रदर्शन गरेको बताए ।

विद्यालयका प्राचार्य शंकर भण्डारीले पछिल्लो समयमा क्याननले विद्यार्थीहरुलाई पाठ्यक्रममा मात्रै केन्द्रीत नगराई यस्ता व्यवहारिक र रचनात्मक कार्यक्रमहरु मार्फत खदिलो र दरिलो संस्थाका रुपमा उभ्याउन पाएको बताए । उनले विद्यार्थीहरुलाई सिप र क्षमताले युक्त बनाउन विभिन्न कार्यक्रम गर्दै आएको बताए ।

‘आजका विद्यार्थीलाई कक्षाकोठामा राखेर दिईने सैद्धातिक ज्ञानले मात्रै पुग्दैन’ उनले भने –‘लर्निङ बाई अर्निङ’ को सोच अनुसार कार्यक्रम गरिएको छ ।’ उनले आफूहरुलाई यस्ता कार्यक्रममा विद्यार्थी, अभिभावक तथा शुभेच्छुकहरुबाट सहयोग पाएको बताए ।

फुड कार्निभलमा विद्यार्थीहरुले ८ वटा स्टल राखेका थिए । विद्यार्थी आफैले परिकार बनाउनेदेखि टिकट विक्रि समेत गरेर परिकारहरु विक्रिको काममा खटिएका हुन् । स्टलमा जातीय संस्कृतिका परिकारदेखि विभिन्न खालका परिकारहरु राखिएको कक्षा ११ र १२ व्यवस्थापन संकायका संयोजक पवन बस्यालले बताए ।

फुड कार्निभलसँगै विद्यार्थीहरुको विभिन्न गित सांगित तथा नृत्यहरु प्रस्तुत गरेका थिए । साथै आईतबार नै प्रि–नर्सरीदेखि कक्षा १० सम्मको तेस्रो त्रैमासिक तथा कक्षा ११ र १२ को दोस्रो त्रैमासिक परीक्षाको नतिजा समेत प्रकाशन गरिएको सहप्राचार्य विष्णु प्रसाद न्यौपानेले बताए ।

क्यानन माविले यसअघि क्यानन आईटी क्वीज, दोस्रो सभेन ए साईड फुटबल प्रतियोगिता, डिजाईन च्यालेञ्ज वर्कसप जस्ता कार्यक्रमहरु गरिसकेको छ ।

नागरिक अनलाइन

लेखकबाट थप

• आइतवार, माघ ४ २०८२०६:५५:१८

• Tags:

  # क्यानन माध्यमिक विद्यालय # फुड कार्निभल # म्यूजिक उत्सव

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा