बुटवल,माघ २४-

दाङमा ट्रयाक्टरले मोटरसाईकललाई ठक्कर दिदा मोटरसाईकलमा सवार तीन जना मध्ये दूई जनाको मृत्यु भएको छ ।

जिल्लाको दंगिशरण गाउँपालिका वडा नं. ३ हेकुलीका २५ बर्षीय बिबेक थापा र वडा नं. ४ बैबाङका २६ बर्षीय दिनेश खड्काको मृत्यु भएको छ ।

उनीहरु दुबै जनाको शुक्रबार राति उपचाकार क्रममा बाँकेस्थित कोहलपुर मेडिकल कलेजमा मृत्यु भएको हो । थापाले मोटरसाईकल चलाएका थिए भने खड्का पछाडि सवार थिए ।

इलाका प्रहरी कार्यालय तुलसीपुरका प्रहरी प्रबक्ता प्रहरी निरिक्षक झकल शर्माका अनुसार दूर्घटनामा परि सोही मोटरसाईकलमा सवार दंगिशरण ३ रातवगाउँका २४ बर्षीय आँकाश कँडेल घाइते भएका छन् । उनको पनि कोहलपुरमा उपचार भइरहेको छ ।

प्रहरी निरिक्षक शर्माका अनुसार शुक्रबार बेलुका सवा ८ बजेतिर तुलसीपुरबाट पश्चिम तर्फ जाँदै गरेको रा १ त ३४४१ नम्वरको ट्रयाक्टरले पश्चिमबाट तुलसीपुर तर्फ आउँदै गरेको रा ६ प १४३४ नम्वरको मोटरसाईकललाई दंगिशरण ५ लौबस्ता भन्ने ठाउँमा ठक्कर दिएको थियो ।

तीब्र गतिका कारण उक्त दूर्घटना भएको हुन सक्ने पूर्व अनुमान भइरहेको भएपनि घटनाबारे अनुसन्धान हुन बाँकी रहेको शर्माले बताए ।त्यस्तै उनले मदिरा सेवन  थियो कि ? भन्ने आशंका पनि गरिएको बताए । तर, मेडिकल रिपोर्ट पछि मात्रै त्यस्तो भन्न मिल्ने उनले स्पष्ट पारे । 

नागरिक अनलाइन

लेखकबाट थप

• शनिवार, माघ २४ २०७७०८:५१:२८

• Tags:

  # दुर्घटना

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन