बुटवल,पुस २९ ।

पछिल्लो समय खाद्यबालीमा बढिरहेको विषादीको प्रयोग सकेसम्म कम गर्न जरुरी रहेको एक कार्यक्रम जोड दिइएको छ । यसको प्रयोग बढ्दै जाँदा मानव जीवन अस्तव्यस्त भैरहेकाले विषादीको प्रयोग घटाउनुपर्नेमा जोड दिइएको हो ।

नेपाली भान्सामा विषादीको प्रवेश र यसको रोकथामका उपायबारे बुटवलका भएको छलफल कार्यक्रममा विषादीको प्रयोग र यसले पार्ने दीर्घकालीन असरबारे छलफल गरिएको हो । 
कार्यक्रममा सहजकर्ता हुमकान्त काफ्लेले विषादीको बढ्दो प्रयोगका कारण नेपालमा बर्सेनी १ हजार मानिसको मृत्यु हुने गरेको उल्लेख गर्दै यसमा उपभोक्ता र कृषकले बढी ध्यान दिन जरुरी रहेको बताउनुभयो ।

विगतमा विषादी उत्पादक र व्यवसायी रहनुभएका काफ्लेले विषादीको प्रयोग र प्रयोगपछिको वेटिङ पिरियडलाई ख्याल गरेमा विभिन्न प्रकारका घातक रोगबाट बच्न सकिने बताउनुभयो ।  

खाद्यबालीमा प्रयोग गरेको विषादीको प्रकारअनुसार ३ देखि ९० दिनसम्म त्यसको वेटिङ पिरियड रहने सो पिरियडपछि प्रयोग गरेमा विषादीको असरबाट वच्न सकिने बताउँदै सावधानी अपनाउन जोड दिनुभयो ।  

उहाँ भन्नुहुन्छ "विषादी विशेषगरी चार प्रकारका हुन्छ ।  त्यसमध्ये राताे सबैभन्दा कडा हुन्छ । राताेपछि पहेँलाे , निलाे र हरियाे सबैभन्दा कम घातक हुन्छ ।"

६५५ रोग विषादीको कारण हुने उल्लेख गर्दै उहाँले विषादीको प्रयोगका बारेमा विद्यालय स्तरबाट जानकारी गराउन जरुरी रहेको बताउनुभयो । र सकेसम्म विषादीको प्रयोग कम गर्न आग्रह गर्नुभयो ।

रकारी र फलफूलमा ९५५ विषादीको प्रयोग हुने उल्लेख गर्दै बजारबाट ल्याउने बित्तिकै मनतातो पानीमा नुन राखी अथवा कागती पानीमा त्यसलाई डुबाएर राख्नाले पनि त्यसको कम असर पर्ने जनाउनु भयो । सबैभन्दा बढी विषादी काउली र टमाटरमा हुने भएकाले यसको प्रयोगमा सचेत बन्न आग्रह गर्नुभयो ।

नागरिक अनलाइन

लेखकबाट थप

• मंगलवार, पौष २९ २०८२०६:२२:२७

• Tags:

  # विषादी

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग