बुटवल,माघ २३ -

अन्डर १६ राष्ट्रिय क्रिकेट प्रतियोगिताको उपाधि न्यू होराइजन क्रिकेट एकेडेमी रुपन्देहीले जितेको छ ।

भैरहवाको सिद्धार्थ रंगशालामा आज भएको फाइनल खेलमा न्यू होराइजनले धनगढी क्रिकेट एकेडेमीलाई सुपर ओभरमा आठ रनले पराजित गरेको थियो ।

उपाधिसँगै न्यू होराइजनले २० हजार सहित ट्रफी जितेको छ । म्यान अफ द सिरिज र उत्कृष्ट खेलाडी धनगढीका नरेन भट्ट भए । धनगढीकै रजत राना उत्कृष्ट बलर भए । टस जितेर ब्याटिङ गरेको धनगढीले निर्धारित ३५ ओभरमा सात विकेट गुमाउँदै एक सय ४८ रन बनायो । उसका लागि पुष्पराज उपाध्यायले ३९, सचिन साउदले ३३ र खगेन्द्र कुँवरले २७ रन बनाए ।

बलिङमा होराइजनका सुमित पराजुलीले तीन, अनिल थापाले दुई र समिर खाँनले एक विकेट लिए ।जवाफी ब्याटिङ गरेको होराइजन ३४ ओभर चार बलमा सबै विकेट गुमाई एक सय ४८ रन बनाएपछि म्याच सुपर ओभरमा पुगेको थियो ।

उसका लागि राहुल भण्डारीले २९, सुमित पराजुलीले १८ र सचिन थापाले दश रन बनाए । बलिङमा धनगढीका संदीप विष्ट र रजत रानाले समान तीन-तीन विकेट लिए । पूर्व राष्ट्रिय खेलाडी शक्ति गाैचनले आफ्नो बुवाको स्मृतीमा प्रतियोगिता आयोजना गरेका थिए ।

नागरिक अनलाइन

लेखकबाट थप

• शुक्रवार, माघ २३ २०७७०६:५५:३८

• Tags:

  # क्रिकेट # न्यू होराइजन क्रिकेट एकेडेमी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा