बुटवल,पुस २४ ।

नेपाली कांग्रेसमा विभाजनको औपचारिक बीजारोपण भएको छ । दुई महामन्त्री नेतृत्वको समूहले पार्टीको विशेष महाधिवेशनको उद्घाटनको लागि तोकेको मितिमै संस्थापन पक्षले अर्को औपचारिक कार्यक्रम घोषणा गरेपछि कांग्रेसभित्रको फुट छताछुल्ल भएको हो ।

संस्थापन पक्षले विशेष महाधिवेशनलाई काउन्टर दिँदै सोही मितिमा युवा भेला गर्ने घोषणा गरेको छ ।

विशेष महाधिवेशन पक्षधरले पुस २७ गते आइतबार महाधिवेशनको उद्घाटनको कार्यक्रम राखेका छन् । सोही दिन संस्थापनले पार्टी मुख्यालय सानेपामा युवा भेला गर्ने भएको छ ।

संस्थापन पक्षले सभापति शेरबहादुर देउवासँग बिहीबार छलफल गरेर युवा भेलाको आयोजना गर्ने घोषणा गरेको बताइएको छ । संस्थापनले २८ गते पनि अर्को कार्यक्रम जुधाउने तयारी गरेको छ । २८ गते जिल्ला सभापतिहरूको भेला आयोजना गर्ने तयारी गरेको छ ।

संस्थापन पक्षले काउन्टर कार्यक्रम आयोजना गर्नको लागि सभापति शेरबहादुर देउवासँग गरेको छलफलमा नेताहरू कृष्णप्रसाद सिटौला, प्रकाशमान सिंह, बालकृष्ण खाण, एनपी साउद, जीतजंग बस्नेत, गुरु बराललगायत सहभागी भएको बताइएको छ ।

नागरिक अनलाइन

लेखकबाट थप

• बिहिवार, पौष २४ २०८२०१:२३:४३

• Tags:

  # नेपाली कांग्रेस

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन