बुटवल,पुस १९  ।

नेपाल विद्युत् प्राधिकरणले बुटवल–लमही ४०० केभी विद्युत् प्रसारण लाइन आयोजनाको प्रारम्भिक वातावरणीय अध्ययन परीक्षण (आइइई) प्रतिवेदन तयार पार्न लागेको छ । यसका लागि प्राधिकरणकै सहायक कम्पनी एनइए इन्जिनियरिङ कम्पनी लिमिटेडले आयोजनाको परामर्शदाताको रूपमा काम गरिरहेको छ । 

प्राधिकरणका अनुसार प्रस्तावित आयोजना अन्तर्गत लम्बुनी प्रदेशका नवलपरासी (बर्दघाट सुस्ता पश्चिम), रुपन्देही, पाल्पा, कपिलवस्तु, अर्घाखाँची र दाङ जिल्लाका विभिन्न पालिका तथा त्यसअन्तर्गतका वडाहरू हुँदै निर्माण हुने उक्त प्रसारण लाइनको लम्बाई १६१ किलोमिटर रहने छ । 

प्रसारण लाइन रहने केन्द्रबाट दायाँ–बायाँ २३/२३ किलोमिटर गरी कुल ४६ मिटर क्षेत्राधिकार रहने प्रस्ताव गरिएको छ । आयोजना अन्तर्गत कुल ४०५ वटा टावरहरू निर्माण गरिने भने दाङको लमही नगरपालिका–९ रिहारमा ४००/२२०/१३२/३३/११ केभी क्षमताको सबस्टेसन निर्माण गरिने छ ।

आइइई प्रतिवेदन तयार पार्नका लागि प्राधिकरणले आयोजना निर्माण गर्दा प्रभावित क्षेत्रको प्राकृतिक, भौतिक, जैविक, सामाजिक, सांस्कृतिक तथा आर्थिक प्रणालीमा पर्न सक्ने प्रभावबारे यकिन गर्न सरोकारवाला निकाय तथा व्यक्तिसँग ७ दिनभित्र लिखित राय–सुझाव दिन आह्वान गर्दै बिहीबार सूचना जारी गरेको छ ।

नागरिक अनलाइन

लेखकबाट थप

• आइतवार, पौष २० २०८२०१:०४:३०

• Tags:

  # विद्युत् प्रसारण लाइन # नेपाल विद्युत् प्राधिकरण

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा