बुटवल,माघ २३ - 

प्रधानमन्त्री एवं नेकपा (ओली समूह) का अध्यक्ष केपी ओलीले पार्टीको आधिकारिकताको विवाद आजैदेखि समाप्त भएको दाबी गरेका छन्।

शुक्रबार काठमाडौंमा आयोजित जनसभालाई सम्वोधन गर्दै ओलीले भने, ‘आज हामीलाई काठमाडौंमा सभा गर्ने ठाउँ भएन, जुन ठाउँ गएपनि अरुलाई त्यो ठाँउ ठूलो हुन्छ, हामीलाई सबै ठाउँ सानो भयो। हामीले सबैभन्दा ठूलो ठाउँ छान्यौं, तै पनि मानिसहरु अटेका छैनन्। फेरि पनि मानिसहरु सोधिरहेका छन् मुल पार्टी कुन हो ? अझै पनि कोही अलमलमा छन् भने कठैबरा भन्न सकिन्छ।’

प्रधानमन्त्री ओलीले आफूले नेतृत्व गरेको पार्टी नै मुल पार्टी भएको दाबी पनि गरे। ‘यो कम्युनिष्टको मात्रै होइन, देशकै मुल पार्टी हो। देश बनाउने पार्टी, देशको रक्षा गर्ने, सार्वभौमसत्ता, स्वाधिनताको रक्षा गर्ने पार्टी यही हो,’ ओलीले भने। आजबाट कुन पार्टी मुल पार्टी भन्ने विषय, कुन पार्टी सक्कली र कुन नक्कली भन्ने कुराको फैसला भएको उनको दाबी थियो।

प्रधानमन्त्री ओलीले आजको कार्यक्रममा सहभागी हुन नदिनका लागि बिहीबार नेपाल बन्द गरिएको दाबी गर्दै भने, ‘श्रमजिवी र गरीवका लागि काम गर्ने पार्टी भन्ने तर बुढी आमाले डोकामा ल्याएको तरकारी फाँकिदिने, त्यही हो उहाँहरुको क्रान्तिकारीता।
ट्याक्सीमा आगो लगाएर भित्रै चालक जलाउन खोज्ने ?,’ उनले भने

उनले प्रचण्डतर्फ लक्षित गर्दै अब शाहाकारी आन्दोलनले हुुँदैन भनेर नरभक्षी आन्दोलन भन्न खोजेको हो भने नेपालमा अब कसैले हिंसा मच्चाउन नसक्ने बताए।

ओलीले भने-‘ नयाँ सरकारको फैसला निर्वाचनले गर्छ ’

नागरिक अनलाइन

लेखकबाट थप

• शुक्रवार, माघ २३ २०७७०३:००:२८

• Tags:

  # नेकपा # प्रधानमन्त्री केपी ओली

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा