बुटवल,मंसिर १६ ।

 साहित्यकार तथा वरिष्ठ समालोचक डा. नारायणप्रसाद पन्थ नव जागृति पुस्तकालय बुटवलद्वारा स्थापित  कविरत्न माधवप्रसाद देवकोटा पुरस्कार- २०८२ बाट सम्मानित हुनुभएको छ ।  

खास गरी समालोचना तथा लुम्बिनी प्रदेशको नाट्य विधाको अन्वेषणमा पुर्याउनु भएको योगदानको उच्च मूल्याङ्कन गरी उहाँलाई यो पुरस्कार प्रदान गरिएको हो ।
एक कार्यक्रमबीच बुटवलमा उहाँलाई  प्रमुख अतिथि विश्व हिन्दु महासंघ लुम्बिनी प्रदेशका अध्यक्ष बेनप्रसाद पौडेल क्षेत्री, मूल्याङ्कन समितिका संयोजक प्रा. डा. हिरण्यलाल ज्ञवाली तथा  पुस्तकालयका अध्यक्ष महेश्वरप्रसाद श्रेष्ठले सम्मान तथा पुरस्कृत गर्नुभयो ।

स्व. माधवप्रसाद देवकोटाको १२३ औं जन्मजयन्तीका अवसरमा  सम्मानपत्र, दोसल्ला तथा नगदसहित उहाँलाई सम्मान गरिएको हो ।  सामाजिक तथा शैक्षिक क्षेत्रमा योगदान दिनु भएका समालोचक डा. पन्थ २ दशक देखि बुटवल बहुमुखी क्याम्पसमा प्राध्यापनरत हुनुहुन्छ ।

समालोचना र अनुसन्धानका क्षेत्रमा विशेष योगदान दिनुभएका डा. पन्थले  नेपाल संस्कृत बिश्वबिधालयबाट बिधाबारिधि गर्नुभएको छ । उहाँको साहित्य र सहित्येेतर गरी दुई दर्जन भन्दा बढी कृति प्रकाशित छन् ।

नागरिक अनलाइन

लेखकबाट थप

• मंगलवार, मंसिर १६ २०८२०९:५७:०१

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन