बुटवल,मंसिर १ ।

नेकपा एमालेका महासचिव शंकर पोखरेलले आगामी फागुन २१ गते चुनाव नहुने दाबी गरेका छन् । उनले मनहुने निर्वाचनको पार्टीले पैरवी नगर्ने बताए । सरकारका क्रियाकलाप निर्वाचन गर्नेतर्फ नभएको बताउँदै उनले आगामी फागुन २१ गते चुनाव नहुने दाबी गरेका हुन  । 

प्रेस चौतारी नेपाल, रूपन्देहीले सोमबार बुटवलमा गरेको भेटघाट कार्यक्रममा महासचिव पोखरेलले एमाले चुनावबाट नभाग्ने बताए । तर अहिलेको चुनौतीपूर्ण क्षणको निकास प्रतिनिधिसभा पुनःस्थापना भएको उनले स्पष्ट पारे । ‘केही राजनीतिक दलले जेनजी रिसाउलान् भनेर चुनाव भनेका छन्,’ पोखरेलले भने, ‘एमालेको स्पष्ट अडान छ । यो सरकार चुनावका लागि होइन, निर्वाचन गराउँदा पनि गराउँदैन । २०५९ जस्तो वैधता नपाउने चुनावको अर्थ छैन ।’

चुनावको लागि महत्त्वपूर्ण शक्ति प्रहरीको हतियार खोसिएको र त्यसले प्रहरीको मनोबल कमजोर बनेको उनले बताए । ‘कैदीबन्दी र प्रहरीका लुटिएका हतियारले समाज त्रसित छ । जसले गर्दा प्रहरी र नागरिकको मनोबल कमजोर छ । प्रहरी र नागरिक डरको मनोविज्ञानबाट बाहिर ननिस्कँदासम्म चुनाव हुने सम्भावना देखिँदैन ।’–उनले भने ।

राजनीतिक दलसँग संवाद र छलफल गर्न नखोज्नुले सरकारले चुनाव गराउन चाहँदैन भन्ने स्पष्ट रहेको पोखरेलको भनाइ थियो । देशलाई संवैधानिक बाटोमा हिँडाउनका लागि प्रतिनिधिसभा पुनःस्थापना, संविधान संशोधन गरेर युवाका माग सम्बोधन गर्नुपर्ने उनको भनाइ छ ।

नागरिक अनलाइन

लेखकबाट थप

• सोमवार, मंसिर १ २०८२०६:१६:०५

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग