आइतवार, कार्तिक ३० २०८२

गैरे प्रतिष्ठान बुटवलद्वारा ३५० सिसीको नयाँ मेटिएर बाइक लञ्चिङ,पहिलो दिनमै ११ वटा बुकिङ

नागरिक अनलाइन

1.7K

गैरे प्रतिष्ठान बुटवलद्वारा ३५० सिसीको नयाँ मेटिएर बाइक लञ्चिङ,पहिलो दिनमै ११ वटा बुकिङ

बुटवल,कार्तिक ३० ।

रोयल इन्फिल्ड मोटरसाइकलको आधिकारिक बिक्रेता गैरे प्रतिष्ठान प्रालि बुटवलले ३५० सिसीको नयाँ मेटिएर बाइकको लञ्चिङ गरेको छ ।

रोयल इन्फिल्डको यो नयाँ मोटरसाइकल नेपालका सबै आधिकारिक बिक्रेताहरूले एकैसाथ शुक्रबार बिक्री शुभारम्भ गरेका छन् ।
बुटवलमा भएको लञ्चिङ कार्यक्रममा उक्त मोटरसाइकल गैरे प्रतिष्ठानका संरक्षक बालकृष्ण गैरे, बुटवल उद्योग वाणिज्य सङ्घका वरिष्ठ उपाध्यक्ष टङ्कप्रसाद गैरे, पश्चिमाञ्चल पेट्रोलियम डिलर्स एसोसिएसनका अध्यक्ष हिमाल गैरे र गेरे प्रतिष्ठानका अध्यक्ष प्रेम गैरेले संयुक्त रूपमा बुटवलमा बिक्री शुभारम्भ गरेका हुन् ।

५ वटा विभिन्न कलरमा उपलब्ध मेटिएर मोटरसाइकल नयाँ लुक्स र स्टाइलिस आवरणा सहित आएको गैरे प्रतिष्ठानले जनाएको छ । यात्रा गर्दा आरामदायी हुने उक्त बाइकलाई क्रुजिङ बाइक पनि भनिने प्रतिष्ठानले जनाएको छ । गैरे प्रतिष्ठानका प्रबन्ध निर्देशक प्रवेशराज गैरेले मोटरसाइकल ईजी क्रुज, बाइक फायरवल, स्टेलर, आरोरा र सुपरनोभा गरि चार भेरियन्टमा उपलब्ध रहेको बताए ।

उनले मोटरसाइकल पाँच लाख ७७ हजारबाट सुरु भई पाँच लाख ९७ हजारसम्म मूल्य रहेको जानकारी समेत दिए । उनले मोटरसाइकलमा एलएडी हेड ल्याम्प लगायतका धेरै सुविधाहरू उपलब्ध रहेको बताउँदै दशकौँदेखि रोयल इन्फिल्ड शुद्ध र अविकल सवारीसाधन भएको पनि बताए ।

नयाँ मेटिएर ३५० सीसी बाइक यूवा पुस्ताका लागि निकै नै लोकप्रिय रहेको तथा यस मोटरसाइकल विशेषज्ञहरूले ‘थार ब्रैड ईजी क्रुजर’को रूपमा पनि मान्यता दिएको प्रतिष्ठानका अध्यक्ष प्रेम गैरेले बताए ।

विश्वका धेरै देशबाट पुरस्कार प्राप्त गर्नुका साथै सुरुवाती वर्षमै प्रतिष्ठित इन्डियन मोटरसाइकल अफ द ईयर २०२१ बाट समेत पुरस्कृत भएको रोयल इन्फिल्ड बाइकमा ७ वर्षसम्मको वारेन्टीको सुविधा रहेकाले पनि बजारमा यसको माग बढ्दो रहेको र युवाहरूको पहिलो रोजाइ बनेको प्रतिष्ठानका अध्यक्ष गैरेको भनाइ रहेको छछ ।

सन् १९०१ देखि ब्रिटेनबाट निरन्तर उत्पादन सुरु भएको रोयल इन्फिल्ड इन्डियाको मन्द्रास र हालको चेन्नइमा १९५५ मा पहिलो पटक उत्पादन भएको थियो ।

पछिल्लो समय भारतका ७ आधुनिक प्लान्टबाट एसेम्बेलिङ हुँदै आएको छ ।गैरे प्रतिष्ठानले शुक्रबारनै नवलपुर जिल्लाको कावासोतीमा रहेको रोयल इन्फिल्डको शाखाबाट पनि नयाँ ३५० सिसीको मेटिएर बाइकको बिक्री शुभारम्भ गरेको जनाएको छ।

पहिलो दिन नै ११ वटा बाइक बुकिङ भएको र बुटवलमा आएका छ वटा नयाँ भेरिअन्ट अन्तर्गतका बाइकहरू सबै लञ्चिङकै दिन शुक्रबार नै बिक्री भएको गैह्रे प्रतिष्ठानले जनाएको छ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)