रुरु, कात्तिक १५ ।

ऋषिकेश मन्दिरको रथयात्राका लागि तानसेन नगरपालिकाले कात्तिक १६ गते सार्वजनिक बिदा दिएको छ । भाेलि तानसेन–१४ रिडी धामस्थित ऋषिकेश मन्दिरको रथयात्रा गरिने भएकाले सार्वजनिक बिदा दिने निर्णय गरिएको नगरपालिकाले जनाएको छ ।

नगर कार्यपालिकाको गत असोज २६ गते बसेको कार्यपालिकाको बैठकले ऋषिकेश मन्दिरको महिमा बढाउन र सो क्षेत्रलाई धार्मिक आस्थाको केन्द्रका रुपमा स्थापित गर्न सार्वजनिक बिदा दिइएको नगरपालिकाका प्रमुख प्रशासकीय अधिकृत चेतनाथ गिरीले बताउनुभयो ।

सार्वजनिक बिदाको दिन नगरपालिका मातहतमा रहेका सामुदायिक र संस्थागत विद्यालय, नगरपालिकाको कार्यालय, वडा कार्यलय, स्वास्थ्य संस्थालगायतका संघसंस्था बन्द रहने उहाँले बताउनुभयो । नगरपालिकाले अत्यावश्यक सेवा भने जारी रहने जनाएको छ ।

हरेक वर्ष यहाँ कात्तिक शुक्ल द्वादशीका दिन सिन्दुरयात्रा (रथयात्रा) गर्ने प्रचलन रहेको तानसेन–१४ का वडाअध्यक्ष शोभाखर भट्टराईले बताउनुभयो ।

नागरिक अनलाइन

लेखकबाट थप

• शनिवार, कार्तिक १५ २०८२०२:५१:४८

• Tags:

  # सार्वजनिक बिदा # ऋषिकेश मन्दिर # रथयात्रा # रिडी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा