काठमाडौं,कार्तिक ५ ।

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले जेनजी आन्दोलनको क्रममा भदौ २३ गते सरकारले गरेको दमनलाई नेपाली इतिहासकै बिर्सन नसकिने घटना बताएका छन्।

महोत्तरीको रामगोपालपुरमा आयोजित कार्यक्रममा उनले भने, “त्यो दिन युवामाथि भएको बर्बर दमन र नृशंस हत्या नेपालका लागि कहिल्यै नबिर्सिने परिघटना हो।”

प्रचण्डले आफूले सरकारलाई अघि नै चेतावनी दिएर दमनको बाटो नअपनाउन आग्रह गरेको स्मरण गरे। “मैले भनेको थिएँ, युवाको आन्दोलनमा बल प्रयोग नगरियोस्, दमन गरियो भने परिणाम भयानक हुनेछ,” उनले भने।

उनका अनुसार, तत्कालीन प्रधानमन्त्री केपी शर्मा ओलीले भदौ २३ कै दिन राजीनामा दिएको भए २४ गतेको विध्वंस रोकिन्थ्यो। “ओलीको अहंकार र प्रतिशोधी भावनाले देशलाई विनाशको मुखमा पु-यायो,” प्रचण्डले आरोप लगाए।

उनले आन्दोलनपछि उत्पन्न संकट व्यवस्थापनका लागि राति ९ बजेदेखि बिहान साढे ३ बजेसम्म राष्ट्रपति भवनमा राजनीतिक दलका नेताहरू र राष्ट्रपतिसँग वार्ता गरेर देशलाई दुर्घटनाबाट जोगाउने प्रयास गरेको पनि बताए।

नागरिक अनलाइन

लेखकबाट थप

• बुधवार, कार्तिक ५ २०८२०७:०६:४६

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग