काठमाडौँ,असोज २६।

निर्वाचन आयोगले आगामी निर्वाचनको तयारीका लागि छलफल गर्न पहिलो चरणमा २९ राजनीतिक दललाई पत्राचार गरेको छ ।

आगामी २१ फागुनका लागि तोकिएको प्रतिनिधिसभाको निर्वाचनसम्बन्धी छलफलका लागि आयोगमा हाल दर्ता रहेका १ सय २२ दलमध्ये पहिलो चरणमा २९ दललाई बोलाइएको आयोगका प्रवक्ता नारायणप्रसाद भट्टराईले बताएका छन् ।

आयोगले विघटित प्रतिनिधिसभामा प्रतिनिधित्व गर्ने तथा गत निर्वाचनमा कम्तीमा एक वडा सदस्यसम्म विजय हासिल गरेका राजनीतिक दललाई पहिलो चरणमा छलफल गर्न लागिएको प्रवक्ता भट्टराईले बताएका हुन् । ‘दर्ता रहेका १ सय २२ दलसँग नै छलफल गर्छौं,एकैपटक छलफल कठिन हुने हुँदा चरणचरणमा गर्ने तय भएको हो, पहिलो चरणमा २९ वटालाई बोलाएका हौं,’ भट्टराईले भने ।

आयोगले बुधबार नेपाली कांग्रेस, नेपाल कम्युनिस्ट पार्टी (एमाले), नेपाल कम्युनिस्ट पार्टी (माओवादी केन्द्र), राष्ट्रिय स्वतन्त्र पार्टी (रास्वपा), राष्ट्रिय प्रजातन्त्र पार्टी, नेकपा एकीकृत समाजवादीलगायतका २९ दललाई पत्राचार गरेको जनाएको छ ।

नागरिक अनलाइन

लेखकबाट थप

• आइतवार, आश्विन २६ २०८२०३:४८:०६

• Tags:

  # निर्वाचन आयोग

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा