मंगलवार, माघ २० २०७७

बुटवलकी सुम्निमाले ल्याइन् कक्षा १२ मा जीपीए फाेर,नेपाल प्रथम भएको न्यू होराइजनको दाबी

नागरिक अनलाइन

15.3K

बुटवलकी सुम्निमाले ल्याइन् कक्षा १२ मा जीपीए फाेर,नेपाल प्रथम भएको न्यू होराइजनको दाबी

बुटवल,माघ २०-

हिजाे सार्वजनिक भएको कक्षा १२ को परीक्षाफलमा बुटवलकी सुम्निमा श्रेष्ठले जीपीए ४ अंक हासिल गरेकी छन् । उनी नेपाल प्रथम भएको विद्यालयको दाबी छ ।

देशभरबाट ४ लाख ३२ हजार विद्यार्थी परीक्षामा सहभागी भएकामध्ये बुटवलको न्यू होराइजन इङलिस सेकेण्डरी स्कूलकी सुम्निमाले सर्वाधिक अंक हासिल गरेकी हुन् । sumnima shrestha.jpg

विज्ञान संकायकी छात्रा सुम्निमाले सबै विषयमा ४.६९ क्रेडिट आवर र प्राक्टिकलमा१.५६ अंक गरी जीपीए ४ हासिल गरेकी विद्यालयका कक्षा १२ संयोजक प्रकाश खनालले नागरिक अनलाइनलाइ बताए ।

‘विज्ञान संकायबाट उनी नेपाल प्रथम भइन्,अहिलेसम्महरु जिल्लाबाट याे नतिजा आएकाे छैन ।’ उनले सुनाए । उनको सिम्बोल नम्बर २४९०११८८ हाे ।

विज्ञान संकायबाट सक्षम देवकोटा र अमृत अर्यालले ३.९२ जीपीए र व्यवस्थापन संकायकी दिब्या उपाध्यायले ३.८४ जीपीए हासिल गरेका छन् ।

९० जना मध्ये विज्ञान संकायबाट ५७ जना र व्यवस्थापन संकायबाट ३३ जनाले परीक्षा दिएकाको २३ जनाले ए प्लस ग्रेड हासिल गरेको बिद्यालयका प्राचार्य लाेकनाथ उपाध्यायले नागरिक अनलाइनलाइ बताए । राष्ट्रिय परीक्षा बोर्डले सोमबार नतिजा सार्वजनिक गरेको हाे ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)