बुटवल, असोज ९ ।

बुटवलमा जारी वडा स्तरीय प्रथम जी–२५ सेभेन साईड भेट्रान्स कप फुटबल प्रतियोगिताको लागि वडा नं. ११ र वडा नं. ४ बिचमा खेल हुने भएको छ ।

विहिबार भएको पहिलो सेमीफाईनल खेलमा वडा नं. ११ ले वडा नं. ३ लाई २–० गोलले पराजित गर्दै उपाधि दाबेदारी पेश गरेको छ ।

यसैगरि दोस्रो सेमीफाईनलमा वडा नं. ६ ले वडा नं. ४ लाई ३–० गोलले पराजित गर्दै फाईनलमा प्रवेश गरेको हो । फाईनल खेल शुक्रबार दिउसो ३ बजे हुने संयोजक रमेश कुमार जोशीले बताए । यसैबिच आयोजक र पत्रकार बिचमा शुक्रबार बिहान मैत्रीपूर्ण खेल समेत आयोजना गरिने उनले बताए ।

जी ट्वाईन्टी फाईभ क्लबको आयोजनामा देविनगरस्थित एन्फा खेलमैदानमा भएको पहिलो सेमीफाईनल खेलमा वडा नं. ११ को जितमा यम बहादुर बुचा, विजय रायमाझीले गोल गरे । खेलमा वडा नं.११ का सोम बहादुर थापा (सुरज)  म्यान अफ दी म्याचबाट पुरस्कृत भए । अर्को खेलमा वडा नंं ६ को जितमा अशोक खड्काले २ तथा चन्द्रमान श्रेष्ठले एक गोल गरे । खेलमा अशोक खड्का म्यान अफ दी म्याचबाट पुरस्कृत भए ।

प्रतियोगिताको विजेता टिमले नगद ५५,५५५ रुपैया, कप, मेडल, प्रमाणपत्र, उपविजेता टिमले नगद २५,५५५ रुपैया, कप, मेडल, प्रमाणपत्रबाट पुरस्कृत गरिने तथा हाइ स्कोरर, उत्कृष्ट खेलाडी र उत्कृष्ट किपरलाई नगद ५ हजार रुपैया र कपबाट पुरस्कृत गरिने क्लबका अध्यक्ष जगदिश न्यौपानेले बताए ।

नगरमा रहेका भेट्रान्स खेलाडीहरुलाई पुर्नताजगी गराउने गरि फुटबल प्रतियोगिता गरिएको प्रतियोगितामा १४ वटा वडाका खेलाडीहरु सहभागी छन्।

नागरिक अनलाइन

लेखकबाट थप

• बिहिवार, आश्विन ९ २०८२०५:००:२५

• Tags:

  # जी–ट्वाईन्टी फाईभ

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...