बुटवल,माघ १८-

नेपाली कांग्रेसका नेता डा.मिनेन्द्र रिजालले प्रधानमन्त्री केपी शर्मा ओलीले संविधानको अपव्याख्या गर्दै निर्वाचनको नाटक गरेको आरोप लगाएका छन् ।

उनले अब ओलीको ज्ञानेन्द्रजस्तै बिदा हुने दिन आउने बताएका छन् ।  सत्तामा आएपछि नियम कानुन केही नमान्नेहरु इतिहासमा कहिल्यै लामो समय नटिकेको उनको स्मरण छ । संविधान ठिक ठाँउमा भएपछि मात्रै चुनावमा जाने उनले बताए ।

रिपोर्टर्स क्लव नेपाल लुम्बिनी प्रदेश बुटवलको साक्षात्कार कार्यक्रममा बोल्दै उनले भने- ‘अहिले संविधान नै ठिक ठाँउमा छैन,संविधान नभएको अवस्थामा भएको चुनावको के अर्थ हुन्छ ? ’उनले भने ।

पञ्चायतको कालो लिनमा त अदालतले न्याय दिएको स्मरण गर्दै डा.रिजालले संसद बिघटनको मुद्धामा सर्बोच्च अदालतले न्याय दिने बताए ।

उनले भने-‘ओलीको असंबैधानिक कदमलाइ अदालतले असंबैधानिक नै भन्छ ,संसद पुनर्थापना हुन्छ । ’निर्वाचन गराउनकै लागि मिति तोकिएको भए पार्टी किन फुटाए भन्दै उनले प्रतिप्रश्न गरे ।

ओलीले प्रधानमन्त्री हुँदादेखि नै संविधानको खिलाप काम गरेको उनको आरोप छ । लामो समयको त्याग र बलिदानबाट आएको गणतन्त्र रक्षाका लागि कांग्रेस सडकमा आएको र प्रतिनिधिसभा विघटनको असवैधानिक कदम नसच्चिएसम्म कांग्रेसको निरन्तर विरोध गरिरहने उहाँको भनाइ छ ।

ओली हिटलरभन्दा पनि खतरनाक रहेको भन्दै नेता रिजालले हिटलरलाई जनताले जसरी खेदेका थिए त्यसरी नै उहाँलाई पनि सडकबाटै जनताले ठेगान लगाउने बताए ।

नागरिक अनलाइन

लेखकबाट थप

• आइतवार, माघ १८ २०७७११:३५:२४

• Tags:

  # डा. मिनेन्द्र रिजाल

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग