बुटवल,भदौ २१ ।

बुटवल–११ कालिकानगरमा रहेका दुइ सहकारीको एकिकरणपछि आज साधारणसभा भएको छ ।

समान प्रकृतिका  दुई सहकारीहरु शुभागमन बचत तथा ऋण सहकारी संस्था लिमिटेड र स्वागतम बचत तथा ऋण सहकारी संस्था लिमिटेड बीच एकीकरण भएको थियो ।

 बुटवल उपमहानगरपालिका सहकारी विभागबाट स्वीकृत भई  २०८२ साउन १ गतेदेखि शुभ स्वागतम बचत तथा ऋण सहकारी संस्था लिमिटेडको नामबाट सञ्चालित भएको सहकारीको शनिबार बुटवलमा  प्रथम साधारणसभा तथा  अधिवेशन सम्पन्न भएको छ ।
सहकारीका तदर्थ समितिका अध्यक्ष कपिलदेव गौतमको अध्यक्षतामा  भएको कार्यक्रममा बुटवल उपमहानगरपालिका वडा नं. ११ का वडा अध्यक्ष  रामचन्द्र क्षेत्रीको प्रमुहख आतिथ्यता रहेको थियो ।
वडा अध्यक्ष क्षेत्रीले बोल्दै दुई सहकारी मर्जर प्रक्रियाले संस्था आर्थिक रुपमा बलियो बन्ने बताए । उनले सहकारीमा सञ्चालक समितिको निगरानी र आर्थिक पारदर्शीता भएमा सहकारीमा समस्या नहुने भन्दै केही सहकारी बन्द हुँदैमा सबैलाई  एउटै डालोमा राख्न नहुने बताए ।
कार्यक्रममा सहकारीका अध्यक्ष कपिलदेव गौतमले वार्षिक प्रतिवेदन, कोषाध्यक्ष छबिलाल  खत्रीले आर्थिक प्रतिवेदन प्रस्तुत गरी सर्वसम्मतले पारित गरेको छ ।  कार्यक्रममा सहकारीका पूर्व अध्यक्ष हरि प्रसाद पौडेल, सेयर सदस्यहरु कमल पन्थी र दुर्गा आचार्यलगायतले मन्तव्य राखेका थिए ।  सहकारीमा  शेयर पूँजी ३,७५,१०,०००, निक्षेप बचत  १,५०,१६,००,६१५÷३१,  कर्जा लगानी १३,०९,९०,८ २४ रहेको छ । सहकारीमा हाल १ हजार ५ सय ४३ जना सदस्यहरु आवद्ध रहेका छन् ।

कार्यक्रममा पूर्व अध्यक्षहरु विभिषण कुमार केसी, हरि प्रसाद पौडेल, ज्येष्ठ सेयर सदस्य, कक्षा १२ मा उत्कृष्ट जीपीए ल्याउने  सेयर सदस्यका छोराछोरीलगायतलाई सम्मान गरिएको थियो ।
प्रथम अधिवेशनबाट कुल प्रसाद बस्यालको अध्यक्षतामा नयाँ नेतृत्व चयन भएको छ ।

जसको उपाध्यक्षमा रविन्द्र कार्की,सचिवमा धु्रवप्रसाद पाण्डे,कोषाध्यक्षमा प्रिया पाठक भण्डारी सर्वसम्मतरुपमा चयन भएका छन् ।
त्यस्तैगरी सहकारीको कार्यसमिति  सदस्यहरुमा सुवासचन्द्र ढकाल,दीपक आचार्य,कुमारी बिमला बेल्बासे,उज्वल केसी,खिमानन्द भण्डारी, लेखा सुपरीवेक्षण समिति संयोजकमा  विष्णु प्रसाद भण्डारी, लेखा समिति सदस्यहरुमा प्रकाश खनाल र दीपाचन्द ठकुरी  चयन भएका छन् । नवनिर्वाचित पदाधिकारी तथा कार्यसमितिको सिङ्गो टिमलाई निर्वाचन  समितिका संयोजक शालिकराम पौडेलले  पद तथा गोपनीयताको सपथग्रहण गराएका थिए ।

नागरिक अनलाइन

लेखकबाट थप

• शनिवार, भाद्र २१ २०८२०८:१५:२२

• Tags:

  # सहकारी # शुभ स्वागतम सहकारी

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन