मंगलवार, भाद्र १० २०८२

बुटवल -११ देवीनगरमा यस्तो भयो खुल्ला तीज गीत कार्यक्रम (फोटोफिचरसहित)

नागरिक अनलाइन

2.6K

बुटवल -११ देवीनगरमा यस्तो भयो खुल्ला तीज गीत कार्यक्रम (फोटोफिचरसहित)

बुटवल,भदौ १० ।

बुटवल उपमहानगरपालिका वडा नं. ११ देवीनगर चौपारीमा आज दिनभर मौलिक तीज गीत गाउँदै तीज पर्व धूमधामका साथ मनाईएको छ ।

जि ट्वाइन्टी फाईभ क्लबले हिन्दु महिलाहरुको महानपर्व हरितालिका तीजको अवसरमा देवीनगर चौपारीमा खुल्ला मौलिक तीज गीत कार्यक्रम गरिएको हो ।

चौपारीमा हजारौंको संख्यामा उपस्थित भएका रुपन्देहीका स्थानीयले विभिन्न समुहमा जम्मा भएर मौलिक तीजका भाकामा नाचगान गरिएको क्लबका अध्यक्ष जगदीश न्यौपानेले जानकारी दिनु भयो । कार्यक्रममा करिब ४० हजार भन्दा बढि मानिसको उपस्थिती रहेको उहाँको दाबी छ ।

देवीनगरका स्थानीय २५ जना युवाले २०७३ सालमा स्थापना गरेको क्लबले विगत ९ वर्षदेखि निरन्तर मौलिक परम्परालाई जगेर्ना गर्ने गरी चौपारीमा नाचगानसहित हरितालिका तीज मनाउँदै आएको उहाँले बताउनुभयो ।

कार्यक्रममा प्रदेश सभाका सदस्य जमुना ढकालको प्रमुख आतिथ्यतामा सुरु भएको कार्यक्रममा बुटवल उपमहानगरपालिकाका प्रमुख खेलराज पाण्डेय , उपप्रमुख सावित्रादेवी अर्याल , वडा नं ११ का वडा अध्यक्ष रामचन्द्र खनाल क्षत्री लगायतको उपस्थिती रहेको थियो ।

क्लबका महासंचिब किशोर पंगेनीले धर्म,संस्कृति तथा परम्पराको प्रबद्धनको लागि देवीनगर चौपारीमा मौलिकता झल्किने खालका नाचगान गरी हरितालिका तीज प्रत्येक वर्ष मनाउँदै आएको बताउनु भयो ।

सुरक्षा निकायकोसहयोगमा ५० भन्दा बढि स्वंयसेवक खटाएर कार्यक्रमलाई ब्यवस्थित रुपमा खुल्ला तीज कार्यक्रम गरिएको कार्यक्रमका संयोजक तेजेन्द्र खनालले जानकारी दिनु भयो । कार्यक्रमको दिनभर बुद्ध सामुदायिक टेलिभिजनबाट प्रत्यक्ष प्रशारण गरिएको थियो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)