सोमवार, भाद्र ९ २०८२

जि ट्वान्टी फाइभले नवौँ संस्करणको खुल्ला तीज गीत कार्यक्रम गर्दै,४० हजारको सहभागिता हुने

नागरिक अनलाइन

3.7K

जि ट्वान्टी फाइभले नवौँ संस्करणको खुल्ला तीज गीत कार्यक्रम गर्दै,४० हजारको सहभागिता हुने

बुटवल,भदौ ९ ।

सामाजिक कार्यमा अग्रणी संस्था बुटवलको जि ट्वान्टी फाइभ क्लवले देवीनगरमा गर्ने खुल्ला तीज गीत कार्यक्रम–२०८२ को तयारी तीब्र पारेको छ ।क्लवले हिन्दु नारीहरुको महान पर्व हरितालिका तीजकोे अवसरमा हरेक बर्ष तीज कार्यक्रम गर्दै आएको छ । क्लवले आज पत्रकार सम्मेलन गर्दै कार्यक्रमको तयारी अन्तिम चरणमा पुगेको जानकारी दिएको हाे ।

तीजपर्व मनाउन आउनेहरु दिदिबहिनीहरुका लागि ब्यवस्थित तरिकाले टेन्ट, खानेपानी ,सुरक्षा ब्यबस्था ,बाद्यबादन लगायतको प्रबन्ध समेत गरिएको र करिब ४० हजारदेखि ५० हजारको बिचमा सहभागिता रहने क्लवका अध्यक्ष जगदिश न्यौपानेले बताउनुभयो । g25 teej.jpg

५६ जना आजिवन सदस्य रहेको क्लवले यसपटक नवौँ संस्करणको तीज गीत कार्यक्रम गर्न लागेको हो । चौपारी क्षेत्रको मूल सडकमा हुने तीज गीत कार्यक्रमको लुम्बिनी प्रदेशसभा सदस्य जमुना ढकालले उद्घाटन गर्नुहुने महासचिव किशोर पंगेनीले बताउनुभयो ।

तीजको मौलिकता र संस्कृति जोगाउन महिला दिदिबहिनीहरुको उल्लेखनीय योगदान रहेको हुँदा उहाहरुलाइ खुसी बनाउनेगरि कार्यक्रमको भब्य तयारी गरिएको कार्यक्रम संयोजक तेजेन्द्र खनालले बताउनुभयो ।

कार्यक्रम बिहान ११ बजेदेखि साझ ५ बजेसम्म हुने उहाँको भनाइ छ । बुटवलमा तीजको महत्व दिनप्रतिदिन बढ्दै गएका कारण चौपारिमा आयोजना हुने तीज कार्यक्रममा सधै उत्साहजनक सहभागिता रहदै आएको छ ।

कार्यक्रम तयारीका लागि प्रचारप्रसार,मेडिकल डेक्स,स्वयंसेवक, खानेपानी, टेण्ट, स्वयंसेवक उपसमिति लगायतका समितिहरु समेत निर्माण गरि ९० प्रतिशत तयारी पूरा भएको क्लवले जनाएको छ ।बिस २०७३ सालमा स्थापना भएको क्लवले सामाजिक क्षेत्रमा रचनात्मक काम गर्दै आएको छ ।