भैरहवा, भदौ ८ ।

लायन्स क्लब अफ सिद्धार्थनगर होलिसिटी सिद्धार्थनगरले फिस्टुला थाईरोईडको उपचार गराइरहेकी ९ वर्षिय बालिकालाई आर्थिक सहयोगको गरेको छ ।

क्लबले सिद्धार्थनगर नगरपालिका–७ निवासी गन्ना वि.क. लाई ५० हजार १ सय रुपैयाँ प्रदान गरेको हो ।

भैरहवामा क्लबले एक कार्यक्रमकाबीच उक्त रकम बालिकालाई हस्तान्तरण गरेको हो । बालिकाको परिवारको आर्थिक अवस्था कमजोर भएको जानकारी पाएपछि केही भए पनि सहयोग पुग्ने उद्देश्यले रकम प्रदान गरिएको कार्यक्रम संयोजक माधव शर्माले बताउनुभयो ।

उक्त रकमले बालिकाको उपचार तथा पढाइमा सहयोग पुग्ने शर्माले विश्वास व्यक्त गर्नुभयो । बालिकाको रेखदेख तथा लालनपालन हाल उनको बाजेले गरिरहनुभएको शर्माले जानकारी दिनुभयो ।

कार्यक्रममा बोल्दै प्रमुख अतिथि लायन्स क्लब इन्टरनेशनल डिष्ट्रिक ३२५ पी, नेपालका डिष्ट्रिक गभर्नर बालाराम भट्टराईले लायन्स क्लब अफ सिद्धार्थनगर होलिसिटी सिद्धार्थनगरले उत्कृष्ट कार्य गरेको बताउनुभयो । उहाँले राज्यले गर्नुपर्ने कतिपय कामहरु लायन्स लगायत सामाजिक संघ–संस्थाहरुले गरिरहेको बताउनुभयो ।

त्यस्तै लायन्स सिद्धार्थनगर होलिसिटी सिद्धार्थनगरका संस्थापक अध्यक्ष ओम कुमार श्रेष्ठले क्लबले मानवीय सेवाका कार्यहरु गर्दै आइरहेको बताउनुभयो । उहाँले यसअघि पनि मानसिक रोगबाट पीडित बालकलाई क्लबले आर्थिक सहयोग गरेको जानकारी दिनुभयो ।

लायन्स सिद्धार्थनगर होलिसिटी सिद्धार्थनगरका अध्यक्ष ऋषिराम पाण्डेको अध्यक्षता तथा सचिव विक्रम पन्थीको सञ्चालनमा कार्यक्रम सम्पन्न भएको थियो ।

नागरिक अनलाइन

लेखकबाट थप

• आइतवार, भाद्र ८ २०८२०७:५१:१३

• Tags:

  # आर्थिक सहयोग

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन